माधव बेल्वासे, चन्द्रौटा ।
कपिलवस्तु साझेदारी बन व्यवस्थापन समितिले वन संरक्षणको लागि उपसमिति सँग अन्तरक्रिया गरेको छ । वडा गत रुपमा अन्तक्रिया गरि साझेदारी बनले गरेका कामको बारेमा जानकारी सहित आगामी योजनाको विषयमा समेत छलफल भएको कपिलवस्तु साझेदारी बनका अध्यक्ष गंगेशनाथ तिवारीले बताउनुभयो ।
अन्तरक्रियाको समापन कार्यक्रममा बोल्दै प्रतिनिधि सभा सदस्य अभिषेक प्रताप शाहले बन संरक्षणमा सबै लाग्नुपर्ने बताउनुभयो । साझेदारी बनले गरेका कामहरु यसरी सार्वजनिक गरेर सबैलाई नागरिकहरुले जानकारी पाएको र आगामि योजनाको विषयमा समेत छलफल हुनुले सकारात्मक सन्देश जाने बताउनुभयो । बनको विषयमा प्रतिनिधि सभा पनि पटक पटक आवाज उठने गरेकोले यहि ऐन कानुनहरु बाझिएको बताउनुभयो । जनता सँग नजिक भएर काम गर्ने साझेदारीले नागरिकहरुलाई छिटो छरितो सेवा प्रवाह गर्नुपर्ने बताउनुभयो ।
कार्यक्रममा शिवराज नगरपालिकाका मेयर अजय थापाले साझेदारी बन र शिवराज नगरपालिका विच सहकार्य हुन आवश्यक रहेको जिकिर गर्नुभयो । बन संरक्षणमा नगरपालिका गम्भीर रहेको बताउँदै छाडा चौपायाको विषयमा बन र पालिकाले केहि योजना बनाउनुपर्ने बताउनुभयो । खोलाहरुको टेन्डरको विषयमा बन र पालिका विच बाझिएका कुराहरु छलफल मार्फत समाधान गरिने उहाँले बताउनुभयो । कार्यक्रममा वडा अध्यक्ष टेकलाल सापकोटा,डिभिजन बनका सहायक अधिकृत कल्याण सापकोटा लगाएतले बनले गरेका कामहरुको बारेमा प्रशंसा गरेका थिए ।
अन्तरक्रिया कार्यक्रममा कपिलवस्तु साझेदारी बनका अध्यक्ष गंगेश तिवारीले विगत केहि समय देखि वैज्ञानिक बन व्यावस्थापनको काम रोकिएको बताउनुभयो । सरकारले दिगो संरक्षणको विषय ल्याएको भएपनि काम सुचारु हुन नसकेको बताउनुभयो । पछिल्लो समय साझेदारी बनमा दाहसंसकारको लागि दाउराको समेत अभाव भएको बताउनुभयो । उहाँले साझेदारीले आफ्नै भवन निर्माण,अतिक्रमित क्षेत्रमा वृश्रारोपण लगायत विभिन्न काम गरेको बताउनुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया