ghanashyam 
कपिलवस्तु ।
कपिलवस्तु क्षेत्र नम्बर ३ प्रतिनिधि सभा सदस्य उम्मेदवार मंगल प्रसाद गुप्ताले जनतालाई झुक्याउन गठबन्धन भएको बताउनुभएको छ । नेकपा एमालेले कपिलवस्तुले बहादुरगञ्जमा आयाेजित बृहत आम सभालाई सम्बाेधन गर्दै उहाँले यस्ताे बताउनुभयो ।
आसन्न मंसिर ४ गते हुने निर्वाचनलाई लक्षित गर्दै सोमबार आयाेजना गरिएको सभामा सबैकाे भावना अनुसार काम गर्न सक्ने पार्टी एमाले मात्रै रहेकाे बताउनुभयो । आम नागरिककाे समस्यालाई मध्यनजर गर्दै गरेकाे भए जनतालाई झुक्याउने कार्य घृणित रहेकाे उम्मेदवार गुप्ताले दावी गर्नुभयाे ।
उम्मेदवार गुप्ताले सर्वसाधारण अटाउन नसक्ने गठबन्धन भएको बताउँदै नागरिक ठगेर नेतृत्वमा पुग्नको लागि मात्र गठबन्धन भएको उहाँलेले आरोप लगाउनुभयाे ।
यस्तै क्षेत्र नम्बर ३ (क) प्रदेश सभा सदस्य उम्मेदवार अर्जुन कुमार केसीले समग्र देशको विकास र परिर्वनको लागि एमालेको जित अपरिहार्य रहेको उल्लेख गर्नुभयाे । एमालेले जिते पछि शिक्षा, स्वास्थ्य, कृषि र नागरिकले महशुस गर्ने गरी विकासको छाप छाड्ने उहाँले दाबी गर्नुभयाे ।
यसैबीचक्षेत्र नम्बर ३ (ख) प्रदेश सभा सदस्य उम्मेदवार रजाउ रहमान खाँले २०७४ मा एमालेले नेतृत्व गरेका स्थानीय तहमा विकासले फड्को मारेको बताउनुभयाे । अब बाँकी विकासको अपेक्षा पुरा गर्न एमालेले जित्नुपर्नेमा उम्मेदवार खाँले जोड दिनुभयाे ।
भेलालाई एमाले नेता शुशिल कुमार श्रीवास्तब, नेत्रराज अधिकारी, सफर अलि मियाँ, शिव प्रसाद जैसवाल, महादेव पोख्रेल लगायतले सम्बोधन गर्नुभएकाे थियाे ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया