चोरीको आरोप लागेका चारजनाको हात तालिवानले काट्यो

एजेन्सी-अफगानिस्तानको एक फुटबल रंगशालामा ठूलो भीडका अगाडि तालिवानले चारजनाको हात काटेको छ। उनीहरू सबैमाथि चोरीको आरोप लागेको थियो।

यस्तै रंगशालामा अवैध सम्बन्ध राखेको आरोप लागेका पाँच युवकलाई पनि ३५ देखि ३९ पटक पिटिएको गरिएको गभर्नरको कार्यालयका प्रवक्ता हाजी जैदले जानकारी दिए।

घटना कान्दाहारस्थित अहमद शाही रंगशालामा भएको हो। तालिवान अधिकारी, धार्मिक मौलवी, अग्रज र स्थानीय सजायको समयमा रंगशालामा उपस्थित थिए। मानव अधिकारका पक्षधर तथा अफगान पुन: स्थापना मन्त्री तथा शरणार्थी मन्त्रीका पूर्व नीति सल्लाहकार शबनम नसीमीले घटनाको तस्विर सार्वजनिक गरेका छन्।

अफगान पत्रकार ताजुद्दीन सोरोशले पनि ट्वीटरमा रंगशाला बाहिरको दृश्यको तस्विर शेयर गर्दै लेखेका छन्, ‘इतिहासले आफूलाई दोहोर्‍याइरहेको छ। सन् १९९० को दशकमा जस्तै तालिवानले पनि सार्वजनिक सजाय दिन थालेको छ।

तालिवानले गत डिसेम्बरमा हत्याको दोषी ठहर भएका एक व्यक्तिलाई मृत्युदण्ड दिएको थियो। तालिवान सत्तामा फर्किएपछि यो पहिलो सार्वजनिक मृत्युदण्ड हो। पश्चिमी फराह प्रान्तको खचाखच भरिएको रंगशालामा हत्याका आरोपी व्यक्तिलाई मृतकका बुबाले राइफलले तीन पटक गोली हानेर हत्या गरेका थिए।सार्वजनिक रूपमा दिइएको यो सजाय हेर्न तालिवानका धेरै नेता उपस्थित थिए।

तालिवानले अफगानिस्तान कब्जा गरेपछि खुला सजायको अभ्यास फेरि सुरु भएको छ। गत नोभेम्बर २४ मा तालिवानले फुटबल रंगशालामा हजारौँको भीड अगाडि १२ जनालाई नैतिक अपराधको आरोप लगाउँदै कुटपिट गरेको थियो।

१२ जनामध्ये तीन जना महिला हुन्। तालिवानअधिकारीका अनुसार यी व्यक्तिमाथि चोरी, व्यभिचार र समलिंगी यौनसम्बन्धको आरोप लगाइएको थियो।

बीबीसीका अनुसार गत नोभेम्बरमा अफगानिस्तानको तखार प्रान्तमा पनि यस्तै घटना भएको थियो जसमा १९ जनालाई सार्वजनिक रूपमा सजाय दिइएको थियो। नुरिस्तान प्रान्तमा संगीत सुनेको भन्दै एक महिलालाई कुटपिट गरिएको छ। यी सबै सजाय शरिया कानुनअनुसार दिइँदैछ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…