काठमाडौं । नेपाली काँग्रेसका महामन्त्री डा शशांक कोइरालाले सात बर्ष पछाडी नागरिकता दिदैमा राष्ट्रवादी हुने र अगाडी दिदा नहुने तर्क मान्न नसकिने बताउनु भएको छ ।
नेपाली पुरुषसँग विहे गरेकी विदेशी महिलालाई सात बर्ष पछाडी मात्रै नागरिकता दिने व्यवस्था गर्नु पर्ने माग उठिरहेका बेला उहाँले त्यसको विपक्षमा मत राख्नु भएको हो । सात बर्ष पछाडी र अगाडीको राष्ट्रिय भावनामा खासै भिन्नता नहुने उहाँको भनाई थियो ।
नेपाली रेडियो नेटवर्कको नेपाली बहसमा कुराकानी गर्दै उहाँले विदेशी बुहारीलाई नेपाली नागरिकता विहेलगत्तै उताको नागरिकता त्याग्नेपछि दिनु र सात बर्षपछि दिनुमा कुनै भिन्नता नभएको उल्लेख गर्नु भयो ।
उहाँले भन्नुभयो, “उताको नागरिकता त्याग्नै पर्ने र महत्वपूर्ण पदहरुमा जान नपाईने व्यवस्था त छदै छ नी । त्यो व्यवस्था हुदा हुदै पनि डराउनु पर्ने मलाई लाग्दैन ।” महामन्त्री कोइरालाले भारतमा विहे गरेको सात बर्षपछाडी दिने व्यवस्था हुदैमा नेपालमा पनि त्यस्तै व्यवस्था हुनु पर्छ भन्ने नभएको दावी गर्नुभयो ।
उहाँले प्रतिप्रश्न गर्दै भन्नुभयो, “अरुले जे गरे त्यही गर्नु पर्छ भन्ने छ र ? हामीले आफ्नै प्रकारको व्यवस्था गर्न सकिन्छ नी ।”
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया