कपिलवस्तु ७ चैत्र ।
शिवराज नगरपालिका ५ चन्द्रौटामा क्वारेन्टाइन कक्ष स्थापना गरेको छ । चन्द्रौटा बजार देखि पुर्व पट्टी रहेको दुर्गा मन्दिर भवनमा ४ वटा वेड सहित कक्ष स्थापना गरिएको हो ।
सिमा नाका देखि नजिक रहेको नगरमा कोराना भाइरसको उच्च जोखिम रहेकोले क्वारेन्टाइन कक्ष राखिएको नगरप्रमुख नेत्रराज अधिकारीले बताउनुभयो । कारोना भाइरस प्रभावित मुलुक वाट आएका नागरिक तथा कोरोनाको आंशका देखिएका मानिसहरुलाई १४ दिन यसै स्थानमा राखिने अधिकारीले बताउनुभयो ।
उक्त कक्षमा नगरका दुई जना स्वास्थ्य कर्मीलाई हेरचाहको लागि राखिने अधिकारीले बताउनुभयो । भारतवाट प्रवेश गर्ने कृष्णनगर क्षेत्रवाट आउने नागरिकलाई जवाभारीमा क्षेत्रमा हेल्थ डेक्स स्थापना गरिने शिवराज नगरपालिकाका स्वास्थ्य शाखा प्रमुख चुडामणि भट्टराईल बताउनुभयो ।
विश्वमा माहामारीको रुप लिएको कारोना भाइरस बाट जोगिन नागरिकहरु सचेत हुनुपर्ने प्रदेश सभा सदस्य अर्जुन केसीले बताउनुभयो । सामान्य लापहरवाहीले यो राग माहामारीको रुपमा हुने बताउदै नगरभित्र नागरिकहरु सुरक्षित हुुनतर्फ ध्यान दिन आग्रह गर्नुभयो ।
त्यस्तै शिवराज नगरपालिका ५ चन्द्रौटामा रहेको सिद्धार्थ फर्निचरका संचालक सोभियत खनालले क्वारेनटाइनको लागि १० थान बिरामी राख्न मिल्ने वेड र धुन मिल्ने मेट्रेस सहयोग गर्ने प्रतिबद्धता जनाएका छन् । चन्द्रौटामा रहेको संजिवनी सामुदायिक अस्पताल र चन्द्रौटा हस्पिटलमा १÷१ वटा आइसोलेसन वार्ड स्थापना गरिएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया