माधव वेल्वासे वुद्धभुमी
कपिलवस्तुको वुद्धभुमी नगरपालिकाका कर्मचारीलाई संस्थाले दिएको एन ९५ मास्क नगरपालिकाका कर्मचारी र जनप्रतिनिधीले वाडेका छन । कोरोना संक्रमणको सवै भन्दा वढी जोखिममा रहेका स्वास्थ्यकर्मी लाई दिनको सट्टा आफैले लगेका हुन । किर्डाक संस्थाले ३० थान एन ९५ मास्क नगरपालिकालाई हस्तान्तरण गरेको थियो । ति मास्क नगरपालिकामा काम गर्ने कार्यालय सहयोगी देखी सवारी चालक सम्मले लिएका छन ।
नगरपालिकाका विशेष स्रोतका अनुसार ३० मध्ये २४ थान मास्क गैर स्वास्थ्य कर्मीले लिएका छन । ६ थान मास्क नगरपालिकामा भएका स्वास्थ्य कर्मीले वुझेका थिए । किर्डाकले नगरपालिलकालाई हस्तान्तरण गरे पछी उक्त मास्क वुद्धभुमी नगरपालिकाका नगरप्रमुख केशव कुमार श्रेष्ठले वितरण गर्नु भएको थियो । नगर प्रमुख श्रेष्ठले संस्थाबाट आएका मास्क जनप्रतिनिधी कर्मचारी र केही स्वास्थ्य कर्मीलाई वितरण गरेको वताउनु हुन्छ । प्रयाप्त मात्रामा थिएन त्यही भएर सवैलाई नपुग भएको प्रमुख श्रेष्ठले वताउनु भयो ।
नगरपालिकाका कर्मचारी र केही जनप्रतिनिधीको मुखमा एन ९५ मास्क झुण्डिदा , स्वास्थ्य कर्मीको मुखमा कपडा मास्क लागेको थियो । कोरोनाको संक्रमणबाट जोगिनको लागी एन ९५ मास्क प्रयोग गर्नु पर्ने हुन्छ । विरामी संग प्रत्यक्ष सम्पर्कमा रहनेलाई पहिलो प्राथमिता दिई वाडनु पर्नेमा नगरपालिकाका कर्मचारी आफैले उक्त मास्क लगेका थिए । यता कोरोनाको कारण स्वास्थ्यकर्मीले थप जोखिम मोल्दै आएका छन । उनीहरु मेडिकल मास्क र कपडाको मास्क प्रयोग गर्दै आएका छन । मेडिकल मास्क एक पटक प्रयोग गरे पछी फाल्नु पर्ने हुन्छ तर पटक पटक प्रयोग गर्नु परेको जयनगर स्वास्थ्य चौकीमा प्रमुख खुवीराम खनालले वताउनु भयो ।
नगरपालिकाका स्वास्थ्य संयोजक डोर विक्रम वेल्वासेका अनुसार नगरपालिकाले एन ९५ मास्क २ सय थान मगाएका छौ तर अहिले सम्म पाएका छैनौ । आए पछी स्वास्थ्यकर्मीलाई वितरण गर्ने वताउनु भयो । स्वास्थ्य शाखाले १२ थान पि पि ई खरीद गरी २ थान एम्वुलेन्स चालकलाई, ५ थान वर्थिगं सेन्टरलाई र ५ थान अति आवश्यक परेमा क्वारेन्टाईनको लागी नगरपालिकामा रहेको वताउनु भयो । यसै गरी सवै स्वास्थ्य चौकीमा ५ वोत्तल सेनिटाईजर वितरण गरेको वेल्वासेले वताउनु भयो ।
फोटो मेरो साथी एफ एमको फेसवुक पेजबाट
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया