लागुऔषध र विस्फोटक पदार्थ नियन्त्रण गर्न कृष्णनगर नाकामा डग स्निफिङ्गकाे प्रयोग

(कृष्णनगर) कपिलवस्तु, २७ चैत्र ।

भारतसँग सिमाना जोडिएको कृष्णनगर नाकामा लागु औषध र विस्फोटक पदार्थ नियन्त्रणका लागि डग स्निफिङ्ग (तालिम प्राप्त कुकुर) काे प्रयोग गरिएको छ । इलाका प्रहरी कार्यालय कृष्णनगरले डग स्पर्टको प्रयोग गरी लागुऔषध, विस्फोटक पदार्थ नियन्त्रण तथा चेकजाँच कार्यलाई थप प्रभावकारी बनाउने प्रयासमा लागेकाे छ ।

प्रहरी निरीक्षक सुरज खत्रीले सीमा क्षेत्रमा लागुऔषध ओसारपसार, आपराधिक गतिविधि, गैरकानुनी क्रियाकलापलाई नियन्त्रणका लागि तालिम प्राप्त कुकुरद्वारा थप निगरानी बढाउन प्रयोग गरिएको बताए । उनलेे बुधबार सवारी साधन तथा यात्रुहरूको व्यापक चेकजाँच गरिएको बताए ।

डग स्पर्टको प्रयोगले लुकेको अवस्थामा राखिएका लागुऔषध, विस्फोटक पदार्थ पत्ता लगाउन निकै मद्दत पुग्ने उनको भनाइ छ । उनलेे दुई ओटा जेनी एक्सप्लाेसिभ र जुजु नारकाेटिक्स नामक तालिम प्राप्त कुकुरकाे प्रयाेग गरि चेकजाँच गरिएको बताए । स्थानीय प्रशासनले जनताको सुरक्षाका लागि सीमा क्षेत्रमा निगरानीलाई थप कडा बनाउने प्रतिबद्धता जनाएको छ ।

सीमावर्ती क्षेत्रबाट हुने गैरकानुनी क्रियाकलाप नियन्त्रण गर्न सुरक्षा संयन्त्रलाई अझ प्रभावकारी बनाइने बताइएको छ । प्रहरी निरीक्षक सुरज खत्री कृष्णनगरमा आएपछि गैरकानुनी क्रियाकलाप, आपराधिक गतिविधि लगायत कार्यमा प्रहरी प्रशासनकाे सक्रियता बढ्नुकाे साथै लागुऔषध ओसारपसार नियन्त्रणकाे प्रभावकारिता बढेकाे छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…