शिवराज अस्पताल विवाद : चिकित्सकले गलती गरेकै हुन् त ? यस्तो छ घटना

विजयनगर, २४ कार्तिक ।

कपिलवस्तुकाे कृष्णनगर नगरपालिका-९ बहादुरगञ्जमा अवस्थित शिवराज अस्पतालमा एक बिरामीकाे उपचारसँगै विवाद चर्किएकाे छ । बिरामीका आफन्तले चिकित्सककाे गलती र चरम लापरबाहीकाे आराेप लगाउँदै गालीगलाैज र धम्कीसमेत दिएका छन् ।

अस्पतालमा औषधी उपलब्ध नभएपछि चिकित्सकले बाहिरी क्लिनिकबाट ल्याउन भनेपछि बिरामीका आफन्तले औषधी भए पनि दिन र उपचार गर्न नखाेजेकाे गैरजिम्मेवार भन्दै अपमानित गरेका हुन् । नागरिकलाई सहज रुपमा सेवा दिँदै आएकाे अस्पताल र बिरामीकाे उपचारमा अहाेरात्र खटिएका चिकित्सक माथि आक्रमण हुन थालेपछि साेमबार अस्पतालले एक विज्ञप्ति जारी गर्दै निराधार आराेप लगाइएको जनाएको छ ।

कृष्णनगर नगरपालिका-५, डबरा बस्ने ८५ वर्षीय चन्द्रावती चौधरीलाई कार्तिक २३ गते शिवराज अस्पतालमा भर्ना गरियो । उनलाई अन्य अस्पतालबाट उपचार समेत भइरहेको थियो । उनको स्वास्थ्य अवस्था अलि गम्भीर देखियाे । तत्कालै नजिकै रहेकाे शिवराज अस्पतालमा उनलाई ल्याइयो । बिरामीलाई आफन्तले बिहान साढे १० बजे उपचारका लागि अस्पतालमा भर्ना गरे ।

अवस्था जटिल देखिएपछि उनलाई आपतकालीन विभागमा राखियाे । उपचारका क्रममा चिकित्सकले बिरामी चाैधरीकाे ECG परीक्षण गरे । इसिजी पश्चात् उनलाई हृदयाघात (Myocardial Infarction) भएको पुष्टि भयाे ।

चिकित्सकहरुले आवश्यक प्राथमिक उपचारका रूपमा Aspirin 300 mg, Atorvastatin 80 mg र Clopidogrel 300 mg प्रदान गरे । बिरामीलाई थप उपचारका लागि उच्च स्वास्थ्य केन्द्रमा रिफर गरे । चिकित्सकद्वारा हरसम्भव उपचार गरियो । हृदयघात जस्तो जटिल समस्या देखिँदा यहाँ अस्पतालमा थप उपचार सम्भव भएन ।

अस्पतालको फार्मेसीमा Nitroglycerin औषधी उपलब्ध उपलब्ध थिएन । बिरामीकाे स्वास्थ्यलाई ध्यान दिँदै समयमै अस्पतालबाट रिफर गरे । रिफर गरिएकै आक्राेशमा बिरामीका आफन्तहरुले अस्पताल र चिकित्सकमाथि निराधार आरोप लगाउँदै गालीगलौज, धम्की र अभद्र व्यवहार प्रदर्शन गरे ।

अस्पतालले ‘सामाजिक सञ्जालमार्फत पनि चिकित्सक र अस्पताल विरुद्ध धम्कीपूर्ण टिप्पणी र गालीगलौज गर्ने गतिविधिहरूको प्रदर्शन भएकोले यसलाई अत्यन्तै दुःखद, गैरजिम्मेवार र निन्दनीय कार्यको रूपमा लिइएको छ । शिवराज अस्पताल परिवारले यस क्रममा शान्त, सुरक्षित र सम्मानजनक वातावरण कायम गर्न सबैलाई आग्रह गरेको छ ।’ भनी विज्ञप्तिमा उल्लेख गरिएको छ ।

अस्पतालले बिरामीको उपचारमा संलग्न सम्पूर्ण चिकित्सक तथा स्वास्थ्यकर्मीको सुरक्षा, सम्मान र मनोबल जोगाउनका लागि स्थानीय तह, सुरक्षा संस्थाहरू र नागरिक समाजको सहयोगको अपेक्षा गरेको छ ।

शिवराज अस्पतालले बिरामी चन्द्रावती चौधरीलाई गौतम बुद्ध सामुदायिक अस्पताल (GBC) मा थप उपचारका लागि रिफर गरिएको जानकारी दिएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…