शाहको तीव्र चुनावी अभियान, घरदैलोमा उत्साहजनक समर्थन

कृष्णनगर, १३ फागुन ।

नेपाली काँग्रेस का तर्फबाट कपिलवस्तु क्षेत्र नं. ३ का उम्मेदवार अभिषेक प्रताप शाह ले आफ्नो चुनावी अभियानलाई तीव्रता दिएका छन्। निर्वाचन नजिकिँदै जाँदा शाह यतिबेला गाउँ-गाउँ, टोल-टोल र घर-घर पुगेर मतदातासँग प्रत्यक्ष भेटघाट गर्दै समर्थन माग्न सक्रिय छन् ।

घरदैलो कार्यक्रमअन्तर्गत उनले स्थानीय बासिन्दासँग छलफल गर्दै उनीहरूका समस्या, आवश्यकता र सुझाव संकलन गरिरहेका छन् । खानेपानी, सडक पूर्वाधार, शिक्षा, स्वास्थ्य सेवा र रोजगारीका विषयमा जनताले राखेका मागलाई प्राथमिकताका साथ सम्बोधन गर्ने प्रतिबद्धता उनले व्यक्त गरेका छन् ।

अभियानका क्रममा पार्टीका स्थानीय नेता-कार्यकर्ता उल्लेख्य रूपमा परिचालित भएका छन् । विभिन्न स्थानमा आयोजित कोणसभा र भेटघाट कार्यक्रममा स्थानीयको सहभागिता उत्साहजनक देखिएको छ । समर्थकहरूले शाहको विगतको राजनीतिक अनुभव र संविधान निर्माणमा खेलेको भूमिकालाई सकारात्मक रूपमा लिएको बताएका छन् । शाह यसअघि संविधान सभा सदस्यसमेत भइसकेका छन् ।

शाहले आफू जनताको सुख-दुःखमा सधैं साथ दिने प्रतिबद्धता दोहोर्‍याउँदै क्षेत्रको समग्र विकासका लागि दीर्घकालीन योजना अघि सार्ने बताएका छन् । “जनताको विश्वास नै मेरो सबैभन्दा ठूलो शक्ति हो,” उनले एक कार्यक्रममा भने, “क्षेत्र नं. ३ को विकास र समृद्धिका लागि म पूर्ण रूपमा समर्पित रहनेछु।”

कपिलवस्तु क्षेत्र नं. ३ मा चुनावी प्रतिस्पर्धा रोचक बन्दै गइरहेको छ। उम्मेदवारहरूको सक्रियता बढेसँगै चुनावी माहोल तातेको छ भने मतदाता पनि आफ्नो निर्णयप्रति सजग देखिएका छन् । शाहको निरन्तर घरदैलो र जनसम्पर्क अभियानले क्षेत्रीय राजनीतिमा नयाँ ऊर्जा थपेको समर्थकहरूको दाबी छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…