काठमाडौं
प्रधानमन्त्री केपी शर्मा ओलीले मन्त्रिपरिषद् पुनर्गठनमा बिनापरामर्श अध्यक्ष उपेन्द्र यादवको मन्त्रालय परिवर्तन गरिदिएपछि समाजवादी पार्टीले सरकार छाड्ने तयारी गरेको छ ।
प्रधानमन्त्री केपी ओलीमा सामान्य राजनीतिक संस्कारसमेत नभएको टिप्पणी गर्दै समाजवादी पार्टीले सरकार छाड्ने संकेत दिएको हो ।
आफ्ना अध्यक्ष उपप्रधानमन्त्री उपेन्द्र यादवलाई बिनापरामर्श स्वास्थ्यबाट कानुन मन्त्रालय पुर्याइएको र पूर्वसहमतिविपरीत आफूहरुले तीन मन्त्री पाउनुपर्नेमा एकजना हटाइएको भन्दै समाजवादीले अबपनि संविधान संशोधनको विषय अघि नबढे सरकार छाड्ने चेतावनी दिएको हो ।
स्वास्थ्य मन्त्रालयको कामको सिलसिलामा भारत गएका उप्रधानमन्त्री यादव स्वदेश नफर्कंदै प्रधानमन्त्री ओलीले मन्त्रिपरिषद् पुनर्गठनमा मन्त्रालय परिवर्तन गरिदिएका थिए । समाजवादीले पाएको एक राज्यमन्त्रीलाई पनि हटाइदिएका थिए ।
मन्त्रालय परिवर्तनबाट रुष्ट बनेको समाजवादी पार्टीले अब संविधान संशोधनको विषयलाई जोडतोडका साथ उठाउने र त्यसो नभए सरकार छाडेर आन्दोलन गर्ने चेतावनी दिएको छ ।
पार्टीका कार्यवाहक अध्यक्ष राजेन्द्र श्रेष्ठ अबपनि संविधान संशोधनको विषय अघि नबढे सरकार छाड्ने बताउँछन् ।
ओली नेतृत्वको सरकारलाई दुईतिहाइको बनाउन सरकारमा सहभागी भएको समाजवादी पार्टीभित्र सरकारमा रहने या नरहने विषयमा लामो समयदेखि बहस हुँदै आएको छ ।
नयाँ शक्ति पार्टीसँग एकीकरण भएपछि बसेको पहिलो संघीय परिषद् बैठकले पनि अब संविधान संशोधनको मुद्दा अघि नबढे सरकार छाड्न निर्देशन दिएको थियो । तर, अध्यक्ष यादव सरकार छाड्न तयार भएका थिएनन् ।
प्रधानमन्त्री ओलीले सामान्य राजनीतिक संस्कारसमेत बिर्सिएर राष्ट्रिय सहमति जुटाउनुपर्ने बेला आफूहरुलाई थप चिढ्याउने काम गरेकोमा पनि समाजवादीले असन्तुष्टि जनाएको छ ।
कार्यवहाक अध्यक्ष श्रेष्ठ प्रधानमन्त्री ओलीको कार्यशैलीले राष्ट्रियता मजबुत् बनाउनसमेत कठीन बनेको आरोप लगाउँछन् ।
सरकारमा पुग्ने माध्यमकोरुपमा असन्तुष्टिका मुद्दा उठाउने मधेसी पृष्ठभूमि भएका दलहरु सरकारमा रहँदा खासै मुद्दाको विषयमा गम्भीर बन्दैनन् ।
पछिल्लोपटक समाजवादीको सत्ता आरोहण भएको पनि वर्ष डेढ वर्ष पुग्नै लाग्यो । तर, मुद्दाको विषयमा खासै आवाज उठाएको छैन ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया