कपिलवस्तुको दुई छुट्टाछुट्टै स्थानबाट आज ठूलो मात्रामा लागुऔषध सहित चार जनालाई प्रहरीले पक्राउ गरेको छ । जिल्लाको कृष्णनगर नगरपालिकाबाट प्रहरीले नेपालबाट भारत तर्फ जादै गरेका ३ जना महिलाहरुको साथबाट ७ किलो ५ सय ग्राम चरेश फेला पारी पक्राउ गरिएको जनाएको छ । पक्राउ परेका तीनै जना महिलाहरुलाइ जिल्ला अदालत कपिलवस्तुबाट म्याद थप गरी अनुसन्धान भईरहेको पनि जनाइएको छ । पक्राउ पर्नेमा शिवराज नगरपालिका वडा नं। ९ विजौरी बस्ने योजना न्यौपाने, सोहि ठाउँकी शुष्मा रोका मगर र दाङको तुल्सिपुर उपमहानगरपालिका वडा नं ३ तुल्सिपुर घर भई हाल लमही नगरपालिका वडा नं। ८ शान्तिनगर बस्ने मिना कुमारी घर्ति मगर रहेको प्रहरीले जनाएको छ ।
यसैबिच यता जिल्लाको शिवराज नगरपालिकाबाट पनि लाघुऔषध चरेश सहित एक महिलालाई प्रहरिले पक्राउ गरेको छ । शिवराज नगरपालिकाको वडा नम्बर ५ चैनपुरबाट सोहि ठाउँकी कमला पुनको साथ बाट झोला भित्र पलाष्टिकले बेरेर राखेको अवस्थामा ६ के.जी. चरेश फेला परेको प्रहरीले जनाएको छ । चरेश सहित पक्राउ परेकी पुनलाई वडा प्रहरी कार्यालय चन्द्रौटामा राखी थप अनुसन्धान कार्य भईरहेको जिल्ला प्रहरी कार्यालय कपिलवस्तुले जानकारी दिएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया