माधव बेल्वासे, कपिलवस्तु फागुन १७,
राजनीतिमा उच्च तहसम्म पुगेको व्यक्तिहरुले सामान्य काम गर्नु आश्चर्य जस्तो लाग्छ । अझ हाम्रो समाजले कपडा सिलाउनुलाई अझ हेप्ने प्रवृत्ति छ । व्यवस्थापिका विधायकको दर्जा पाउनुभएकी उमा वि.क. यतिबेला कपडा सिलाईमा व्यस्त हुनुहुन्छ । राजनीति परिवर्तन र समाज सुधारमा राजनीतिमा प्रवेश गर्नुभएकी वि.क.ले श्रीमान, देवरलाई गुमाउनु प¥यो । २०३६ सालमा भारतको वंगालमा जन्मनु भएकी उमाको ४० वर्षको उमेरसम्म लामो कथा बनेको छ, जो अविस्मरणीय छ । बुबा–आमा तत्कालिन समयमा राजनीतिमा सक्रिय रहेको हँुदा २०४८ सालमा कपिलवस्तुको गजहेडामा आउनुप¥यो ।
विद्यालय उमेरबाट उहाँको राजनीतिक यात्रा सुरु भयो । मोहनलाल सुनार र जिन्ता देवी सुनारको कोखबाट जन्मनुभएकी वि.क.को राजनीतिक यात्रामा परिवारको मुख्य साथ रहेको थियो । त्यसपछि अनेम संघ हुँदै फौजी पार्टीको सैन्य संघमा समेत समावेश हुनुभयो । २०५४ सालमा पार्टीकै नेता शंकर वि.क.सँग प्रगतिशील विवाह भयो । दुवै जना अर्ध–भूमिगत रहेको उहाँहरुको कोखबाट २०५६ सालमा छोरीको जम्न भयो । छोरी २ वर्षकी भएपछि उहाँहरुलाई सासुआमाको साथमा शिवगढीको बानियाभार छोडेर भूमिगत भएपछि उहाँको संर्घष झनै बढ्दै गयो ।
भूमिगत समयमा पार्टीले अर्घाखाँचीको सिद्धारा सिमलपानी क्षेत्रको सह–ईन्चार्जको रुपमा जिम्मेवारी प्रदान ग¥यो । माओवादीका सैनिकहरुलाई खाना खुुवाउने काम रहेको थियो । श्रीमानसँग सम्पर्क विहीन, परिवारसँगको सम्बन्ध टाढा हुँदाको पीडा सहनै नसक्ने थियो । २०५९ सालमा प्यूठानमा ८ जना माओवादीको सामुहिक हत्या भएको खबरले उहाँलाई त्रसित बनायो । त्यही दिन सरकार पक्षसँगको वार्ता गर्ने भन्ने खवर आएपछि मनमा केही खुशी आएको भएपनि श्रीमानको हत्याले छाँगाबाट खसे जस्तो भयो ।
श्रीमानको लास लिएर घरमा आउँदाको पीडा जो कसैले सहन सक्दैन त्यो पीडामा उमाले भोग्नुभएको छ । पीडाका बाबजुत पनि पार्टीमै सक्रिय रहनुभएकी उमा राजनीतिमा झनै सक्रिय भएर होमिनुभयो । त्यही समयमै कपिलवस्तुको गुगौलीमा पनि देवरको हत्या भयो । परिवार तहस–नहस भएको अनुभुति भयो ।
एकै घरमा दुई भाइको हत्या हुँदा उहाँ आफंै समाल्न नसक्ने अवस्था रहेको भएपनि आमा बुबा र सानी छोरीको मुख हेरेर आफूलाई समाल्नुपरेको थियो । सरकारी पक्षका सेना र माओवादी पक्षका सेनाहरु बीचमा हुने मुठ्भेटमा जाने सैनिकहरुलाई खानाको ब्यवस्था गर्ने र उनका समस्याहरुलाई सहजको लागि भुमिका खेल्ने उमाको काम थियो । २०६३ सालमा भएको शान्ति वार्तापछि भूमिगत यात्रा सकेर खुल्ला राजनीतिमा प्रवेश भयो । २०६३ सालमै उहाँ अन्तरिम सरकार व्यवस्थापिका विधेयक बनेपछि जनताको हक अधिकार र विकासमा लाग्ने प्रेरणा जाग्यो । सोही समयमा गुल्मीमा दोस्रो विवाह भयो । गुल्मी जिल्लामा २०६५ सालमा जिल्ला उपाध्यक्षसम्म बन्नुभयो ।
२०६४ सालमा भएको पहिलो निर्वाचनमा वि.क.लाई कपिलवस्तुको क्षेत्र न ५ का प्रतिनिधिसभा सदस्यको लागि उम्मेदवार बनाइयो । निर्वाचनमा पराजित भयो । राजनीति उच्च तहसम्म पहुँच भएकी उमा अहिले कपिलवस्तुको चन्द्रौटामा ंसिलाई कटाईको ब्यवसाय गर्नुभएको छ । हाल नेकपा कपिलवस्तु जिल्ला सचिवालय सदस्य रहनुभएकी उमाको दैनिकी पसलमा कपडा सिलाउँदामै बितेको छ । श्रीमान र देवर देशका लागि शहिद भएको स्मरण गर्दा उहाँको आँखाबाट आँसु बरबरायो । चन्द्रौटामा सामान्य फेन्सी पसल गरेर जीविकोपार्जन गरेको बताउनुहुन्छ । जनताका समस्या नजिकबाट नियालेको भएपनि सरकारले समस्या समाधानतर्फ ध्यान नदिएको उहाँको तर्क छ ।
गरीब जनताको पक्षमा सरकार सधैं रहनुपर्ने भएपनि त्यसो हुन नसकेको उहाँ बताउनुहुन्छ । “वर्तमान सरकारले केही उपलव्धीमूलक काम गरेको छ तर पूर्णता छैन, उहाँले भन्नुभयो –शहिद परिवारलाई विशेष प्राथमिकता दिनुपर्छ ।” तीनवटै सरकारमा कम्युनिष्ट पार्टीको बहुमत भएकाले यसबेला जनताप्रेमी काम हुनुपर्ने उहाँको तर्क छ । गरीब गरीबै, धनी धनी नै रहेकाले आफूले लिएको लक्ष्य पूरा हुन नसकेको बताउनुभयो
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया