काठमाडौं । परराष्ट्रमन्त्री प्रदिप ज्ञवालीले नेपाल र भारतबीच थाती रहेका सम्झौता खारेज गर्नुपर्ने बताउनुभएको छ ।
दुई देशबीच थाती रहेका सम्झौता खारेज गरेर नयाँ शिराबाट बढ्नुपर्छ’ बुधबार आयोजित कार्यक्रममा उहाँले भन्नुभयो, ‘दशकौंसम्म कार्यान्वयनमा जान नसकेका सम्झौता खारेज गर्नुमा दुवै देशको हित हुन्छ । केही सम्झौता कार्यान्वयनमा जानुको साटो उल्टो तनावको विषय बन्न गइरहेका छन् । अब त्यस्ता सम्झौतालाई कि कार्यान्वयन गरौं कि पन्छाऔं ।’
मन्त्री ज्ञवालीले पञ्चेश्वर परियोजना, कर्णाली जलविद्युत आयोजनातर्फ संकेत गर्दै ती संझौता खारेज गर्नुपर्ने उल्लेख गर्नुभयो ।
मन्त्री ज्ञवालीले नेपाल र भारतबीच व्यापार घाटा बढिरहेको उल्लेख गर्दै भारतीय लगानीको अपेक्षा गरिएका बताउनु भयो । ‘दुवै देशलाई लाभ हुनेगरी विन विनको अवस्थामा जानुपर्छ’ उहाँले भन्नुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया