काठमाडौं, असार ९
संसदको राज्य व्यवस्था तथा सुशासन समितिमा डेढ वर्षदेखि अल्झिएको संघीय निजामती सेवा आयोग गठन सम्बन्धमा व्यवस्था गर्न बनेको विधेयक रोकिएको छ ।
विवादित बुँदाहरुमा सहमति जुटाइ विधयेक पारित गर्ने प्रयास भएपनि सहमति जुट्न नसक्दा विधयेक अघि बढ्न सकेको छैन ।
संघीय निजामती विधेयक डेढ वर्षदेखि प्रतिनिधिसभाको राज्य व्यवस्था तथा सुशासन समितिमा विचाराधीन रहेको छ ।
सत्तारुढ सासंदहरुबीच नै सहमति जुट्न नसक्दा विधेयक कसरी अघि बढाउने भन्नेमा अलमल भइरहेको थियो । उक्त विधयेमाथि छलफल गर्न मंगलबारसम्म ५४ वटा बैठक बसिसकेका छन् ।
सहमति भइसकेको बुँदाहरुमा पनि फेरि विवाद झिक्न खोजिएको आरोप समितिका सदस्यहरुको छ ।
बैठकले विधेयकमाथि छलफल गरी आजै निर्णण गर्न लाग्दा संघीय मामिलामन्त्री हृदयेश त्रिपाठीले थप समय मागेर निर्णय गर्न दिनुभएन ।
मन्त्री त्रिपाठीले विधेयकलाई यसै अधिवेशनबाट पारित गर्नेमा दुईमत नभएको भन्दै समितिका सदस्यहरुको फरक–फरक मत आएकाले तत्काल पारित गर्न नसकिने बताउनुभएको थियो ।
बैठकमा नेकपा सांसद विजय सुब्बा र कृष्णगोपाल श्रेष्ठले सभापतिले सबै विषयमा सहमति जुटाएको बताएपनि सबै सदस्यहरु प्रस्ट नभएकाले छलफल आवश्यक रहेको बताउनुभयो ।
यस्तै, सचिव कलस्टर, पदपूर्तिसम्बन्धी व्यवस्था र आरक्षण प्रावधान, ट्रेड युनियनसम्बन्धी व्यवस्था टुंगो लागिसकेको भन्दै त्यसमा थप बहस गर्न अवश्यक नरहेको नेपाली कांग्रेसकी सांसद डिला संग्रौलाले बताउनुभएको छ ।
समयमा नै संघीय निजामती ऐन नबन्दा स्थानीय तह कर्मचारीविहीन बनेको भन्दै सहमति भइसकेको विषयमा भन्दापनि सहमति जुट्न बाँकी बुँदामा सहमति जुटाइ चाँडै विधयेक पारित गर्नुपर्ने बताउनुहुन्छ ।
यस्तै, नेकपा सांसद रेखा शर्माले समितिले सहमति भइसकेको विषयमा परिमार्जन गर्ने हो भने मन्त्रालयले विधेयक नै पुनर्लेखन गरेर ल्याउनुपर्ने राय राख्नुभएको छ ।
सासंद शर्माले समितिले टुंगो लगाइसकेको विषयमा परिमार्जन गर्दै लैजाने हो भने चालु अधिवेशनबाट पनि विधेयक पारित हुने सम्भावना न्यून रहेको बताउनुभयो ।
डेढ वर्षदेखि राज्य व्यवस्था समितिमा अलमलिरहेको संघीय निजामती ऐन संसदको चालु अधिवेशनबाट पनि पारित हुने सम्भावन न्यून देखिएको छ । संघीय निजामती ऐन समयमा नै बन्न नसक्दा प्रदेश र स्थानीय तहमा परेको असर गम्भीरतापूर्वक लिन आवश्यक छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया