शौचालयको ढोका फुटाएर लकरसहित झन्डै ६ लाख रुपैयाँ चोरेका तीन जना पक्राउ

पर्वत : जिल्ला प्रहरी कार्यालय कास्कीले एक अनलाइन डेलिभरी भवनको शौचालय फुटाएर रकम चोरी गरेका तीन जनालाई पक्राउ गरेको छ।

जिल्ला प्रहरी कार्यालय कास्कीका प्रमुख प्रहरी उपरीक्षक वसन्त कुमार शर्माका अनुसार गत चैत २४ गते पोखरा महानगरपालिका–८ नयाँ बजारमा रहेको अनलाइन डेलिभरी भवनमा रहेको शौचालयको सिसा फुटाएर उक्त भवनमा रहेको लकर सहित नगद पाँच लाख, ८२ हजार पाँच सय ८० रुपैयाँ, एक थान मोबाइल र एक थान झोला चोरी भएको थियो।

सोही सूचनाका आधारमा वडा प्रहरी कार्यालय बैदामबाट खटिएको प्रहरी टोलीले सोमबार घटनामा संलग्न भएको आरोपमा तीन जनालाई नियन्त्रणमा लिएको हो। पोखरा महानगरपालिका–५ प्रस्याङबाट पक्राउ परेका उनीहरू पोखरा महानगरपालिका–१५ टुटुङ्गा बस्ने वर्ष २९ को अर्जुन परियार, वडा नं.१० रङ्गशाला बस्ने २७ वर्षीय विकास अधिकारी र धादिङ घर भई हाल पोखरा महानगरपालिका–२ नाला मुख बस्ने २९ वर्षीय लोकेन्द्र बहादुर इटनी रहेका छन्।

उनीहरूको साथबाट एक थान लकर र एक थान झोला बरामद भएको छ। उनीहरूमाथि अनुसन्धान चलिरहेको प्रहरी उपरीक्षक शर्माले बताए।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…