हैजा संक्रमित ७८ पुगे, एकजना डेंगु संक्रमितको मृत्यु

काठमाडौँ : काठमाडौंमा थप ३ जना हैजा संक्रमित भेटिएका छन्। स्वास्थ्य तथा जनसंख्या मन्त्रालय इपिडिमियोलोजी तथा रोग नियन्त्रण महाशाखा (इडिसिडी)का अनुसार पछिल्लो समय काठमाडौँमा २ र ललितपुरमा एकजना हैजा संक्रमित भेटिएका हुन्। योसँगै देशभर हैजा संक्रमितको संख्या ७८ जना पुगेको छ।

यो वर्ष अहिलेसम्म ललितपुरमा ५१ जना, कैलालीमा ८ जना, काठमाडौँमा १२ जना र प्यूठानमा २ जना, मकवानपुरमा एक र रोल्पामा ४ जना हैजा संक्रमित भेटिएका छन्। योसँगै यो वर्ष ६ वटा जिल्लामा हैजा संक्रमित भेटिएका छन् तर हैजाका कारण हालसम्म यो वर्ष कसैको मृत्यु भएको छैन। हाल १ जना संक्रमित अस्पतालमा भर्ना भएर उपचार गराइरहेको इडिसिडीले जनाएको छ।

यस्तै डेंगु संक्रमितको संख्या पनि बढेको छ। इडिसिडीका अनुसार हाल देशभर डेंगु संक्रमितको संख्या ६ हजार ८३१ जना पुगेको छ। यही भदौ १५ गतेसम्म देशभर ६ हजार ३४७ जना डेंगु संक्रमित थिए। यस्तै पछिल्लो समय एकजना डेंगु संक्रमितको मृत्यु भएको छ। योसँगै यो वर्ष डेंगुबाट मृत्यु हुनेको संख्या ४ जना पुगेको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…