अवैध सामान नियन्त्रण गर्दै सशस्त्र प्रहरी, वैशाखमै १० लाख बराबरको राजस्व सङ्कलन

कपिलवस्तु बैशाख २९।

सशस्त्र प्रहरी बल बीओपी आउटपोस्ट मर्यादपुर डंगरी, कपिलवस्तुले अवैध रूपमा नेपाल भित्र्याइएका विभिन्न सामान नियन्त्रणमा लिई वैशाख महिनामा मात्रै करिब १० लाख रुपैयाँ बराबरको राजस्व सङ्कलन गरेको जनाएको छ।

भारतसँग जोडिएको सीमावर्ती क्षेत्रमा हुने अवैध चोरी तस्करी तथा भन्सार छली नियन्त्रण अभियानलाई तीव्र बनाउँदै आएको सशस्त्र प्रहरीले खाद्यान्न, लत्ता कपडा, हार्डवेयर तथा किराना लगायतका विभिन्न सामान बरामद गरेको हो।

सशस्त्र प्रहरी निरीक्षक हरित बडुवाल ले दिएको जानकारी अनुसार सीमा क्षेत्र हुँदै भन्सार प्रक्रिया बिना ल्याइएका सामानहरू नियमित चेकजाँचका क्रममा नियन्त्रणमा लिइएको हो। बरामद गरिएका सामान आवश्यक कानुनी प्रक्रिया पूरा गरी सम्बन्धित भन्सार कार्यालयमा बुझाइएको उहाँले बताउनुभयो।

सीमा क्षेत्रमा पछिल्लो समय अवैध आयात तथा राजस्व छलीका गतिविधि बढ्दै गएपछि सशस्त्र प्रहरीले निगरानी थप कडा बनाएको जनाएको छ। विशेषगरी रातिको समयमा विभिन्न नाकाहरू प्रयोग गरी सामान भित्र्याउने प्रयास भइरहेका कारण गस्ती तथा चेकिङलाई प्रभावकारी बनाइएको सशस्त्र प्रहरीको भनाइ छ।

सशस्त्र प्रहरीले आगामी दिनमा पनि सीमा क्षेत्रमा निगरानी अझ प्रभावकारी बनाउँदै अवैध चोरी तस्करी नियन्त्रण अभियानलाई निरन्तरता दिने जनाएको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…