विजयनगरमा लैंगिक हिंसा विरुद्ध सञ्जालको बैठक सम्पन्न

सुशीला मिश्र

विजयनगर, ११ जेष्ठ ।

कपिलवस्तुको विजयनगर गाउँपालिकामा लैंगिक हिंसा न्यूनीकरण तथा महिला तथा बालबालिकाको अधिकार संरक्षणका विषयमा छलफल गर्न लैंगिक हिंसा विरुद्धको सञ्जालको बैठक सम्पन्न भएको छ ।

कोइका र युएनएफपीएको आर्थिक सहयोग तथा प्लान इन्टरनेशनलको प्राविधिक सहयोगमा मानव अधिकार सचेतना केन्द्र (हुरेक) द्वारा सञ्चालित सेभ गर्ल्स/ईसिएम परियोजना अन्तर्गत गठित सञ्जालको बैठक गाउँपालिका उपाध्यक्ष तथा सञ्जालकी अध्यक्ष लक्ष्मी कुमारी चौधरीको अध्यक्षतामा सम्पन्न भएको हुरेक नेपालका फिल्ड अफिसर रमजान शाहले जानकारी दिए ।

बैठकमा गाउँपालिकाभित्र हुने लैंगिक हिंसाका घटनाको रोकथाम, पीडितलाई आवश्यक सहयोग तथा संरक्षण, सम्बन्धित निकायबीच समन्वय तथा आगामी कार्यक्रमहरूबारे छलफल गरिएको छ । साथै समुदायस्तरमा जनचेतना अभिवृद्धि गर्दै महिला तथा बालबालिकामाथि हुने हिंसा अन्त्यका लागि सबै पक्षको सक्रिय सहभागिता आवश्यक रहेकोमा जोड दिइएको छ ।

अध्यक्ष चौधरीले लैंगिक हिंसा विरुद्धको अभियानलाई प्रभावकारी बनाउन स्थानीय तह, सरोकारवाला निकाय तथा समुदायबीचको सहकार्यलाई थप सुदृढ गर्नुपर्ने बताइन् । उनले महिला तथा बालबालिकाको सुरक्षित र सम्मानित जीवन सुनिश्चित गर्न गाउँपालिका प्रतिबद्ध रहेको समेत उल्लेख गरिन् ।

बैठकमा सञ्जालका पदाधिकारी, गाउँपालिकाका प्रतिनिधि, परियोजनाका कर्मचारी तथा सरोकारवाला निकायका प्रतिनिधिहरूको सहभागिता थियो ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…