ghanashyam 
घनश्याम भर
(विजयनगर) कपिलवस्तु, २३ जेष्ठ ।
कपिलवस्तुकाे विजयनगर गाउँपालिकामा प्लान इन्टरनेशनल नेपालको सहयोगमा किड्स संस्थाद्वारा सञ्चालित ‘सबल बालिका, सबल समुदाय’ परियोजना अन्तर्ग पाडी, बाख्रा तथा किराना सामग्री वितरण गरिएको छ । किड्सका कार्यक्रम संयाेजक रजनीस चाैधरीले लक्षित परिवारहरूको जीविकोपार्जनमा टेवा पुर्याउने उद्देश्यले पाडी, बाख्रा तथा किराना सामग्री वितरण गरिएको जानकारी दिए ।
किड्स संस्थाकी फिल्ड सुपरभाइजर बबिता विश्वकर्माका अनुसार गाउँपालिकाको वडा नम्बर ३, ५ र ६ का परिवारलाई ११ घरपरिवारलाई बाख्रा, १३ घरपरिवारलाई पाडी तथा २ जनालाई किराना सामग्री वितरण गर्न लागेको बताइन् ।
सोही कार्यक्रम अन्तर्गत शनिबार १० जनालाई बाख्रा, ६ घरपरिवारलाई पाडी र २ जनालाई किरानाका सामग्री वितरण गरिएको हो । प्रत्येक लाभग्राहीलाई करिब ५० हजार रुपैयाँ बराबरको सहयोग प्रदान गरिएको बताइएको छ ।
कार्यक्रमलाई सम्बाेधन गर्दै गाउँपालिका अध्यक्ष गाेपाल बहादुर थापाले आर्थिक रूपमा कमजोर परिवारलाई आत्मनिर्भर बनाउन यस्ता कार्यक्रम प्रभावकारी हुने बताए । उनले पशुपालनमार्फत आयआर्जन बढाएर परिवारको जीवनस्तर सुधार गर्न सहयोग पुग्ने विश्वास व्यक्त गरे । अध्यक्ष थापाले सबल बालिका, सबल समुदाय’ परियोजनाले आत्मनिर्भरताको आधार दिएको जिकिर गरे ।
यस्तै ३ का वडा अध्यक्ष हृदय विकास चौधरीले परियोजनाले लक्षित परिवारको आर्थिक सशक्तीकरणमा महत्वपूर्ण योगदान पुर्याएको उल्लेख गर्दै प्राप्त सहयोगको सदुपयोग गर्न लाभग्राहीलाई आग्रह गरे ।
यसैगरी ६ का वडा अध्यक्ष प्रेम बहादुर कलवारले पशुपालन व्यवसायलाई निरन्तरता दिएमा परिवारको आम्दानी वृद्धि हुने बताउँदै स्थानीय सरकार यस्ता सकारात्मक अभियानमा सधैं सहयोगी रहने बताए ।
कार्यक्रममा लाभग्राहीहरूले प्राप्त सहयोगले घरपरिवारको आयआर्जन बढाउन र जीविकोपार्जन सहज बनाउन मद्दत पुग्ने विश्वास व्यक्त गरेका छन् ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया