नदीजन्य पर्दाथ निकासीमा नक्कली बिल प्रयोग

कपिलवस्तुको बुद्धभूमी नगरपालिकाका नदीजन्य पर्दाथ निकासी ठेक्कामा नक्कली बिल प्रयोग गरिएको छ । बुद्धभूमी नगरपालिकाले वडा नं. १ स्थित गुडरुङ्ग नदीमा नदीजन्य पर्दाथ निकासी ठेक्का लगाएको थियो । उक्त ठेक्का पारेको रुपन्देहीको स्वाभिमान कन्ट्रक्सनले तोकिएको परिमाण चोरी गर्न र भ्याट छलि गर्न नक्कली बिल प्रयोग थालेको हो । ५ लाख ५६ हजार २०७ घनफिट नदीजन्य पर्दाथ निकासीका भ्याट सहित ६० लाखमा कबोल गरिएको ठेक्का १ साता अघि मात्र सम्झौता गरिएको थियो ।

सम्झौता लगत्तै नदीजन्य पर्दाथ निकासी काम सुरु भएपछि ठेकेदारले नक्की बिल प्रयोग गर्न थालेको स्थानीयबासीहरु बताउछन् । ठेक्का सम्झौता विपरित ठेकेदार कम्पनीले किर्ते काम बारे नगरपालिका राजस्व शाखा तथा जनप्रतिनिधीलाई जानकारी गराएपनि त्यसबारे अनुगमन समेत नगरिएको स्थानीयबासीहरुले जानकारी दिए । ठेकेदारले नगरपालिकाबाट प्रमाणित गरि ल्याएका ठेलीको हुबहु नक्कली भ्याट बिल तथा नगरपालिकाको सरकारी छाप किर्ते गरि प्रयोग गरेका छन् ।

ठेकेदारले एउटै ट्याक्टरको एकै दिन २ किसिमका बिल काटेका छन् । लु ३ त ६१२० को ट्याक्टरलाई मिस्कट बापत माघ २० गते विहान १० बजे ६९६ नम्बरको रसिद काटेका छन् भने दिउसो २ बजे २४० नम्बरको भ्याट बिल रसिद काटेका छन् । त्यहि ट्याक्टरलाई १९ गते ४०० नम्बरको भ्याट बिल रसिद काटिएको छ । त्यति मात्र होइन स्थानीय डम्पीङ्ग गर्ने समूहलाई रसिद नै नकाटि सादा कापीमा हिसाब राख्ने गरिएको छ ।

“दिनको १० खेप गर्दा पनि रोयल्टी काटिएको छैन, काजगमा हिसाब–किताब लेखिएको छ यो त सरासर ठेक्काको नाममा चोरी हो” स्थानीय एक युवाले भने । नाकामा दिनमा ३ सय ट्याक्टर र ट्रिपरले नदीजन्य पर्दाथ ओर्सादा १ हप्तामा जम्मा २ सय ४० वटा रसिद काटेको देखिनु ठाडै चोरी हो उनले भने । प्रति ट्याक्टर भ्याट सहित १०० घनफिटको ९०५ रुपैयाको रसिद काटेपनि १ हजार रुपैया लिने गरेको समेत ट्याक्टर ढुवानीकर्ताहरुले दुखेसो पोखेका छन् । ठेक्का लिएका ठेकेदार कृष्ण पोख्रेलले माथि देखि तल सबै मिलाएको हुदा केहि फरक नपर्ने नाकामा खटिएका कर्मचारीले भने । “प्रहरी प्रशासन, नगरपालिका, पत्रकार सबै मिलाएका छौ जति खिच्न छ खिच्नुस केहि फरक पर्दैन” रसिद काट्न खटिएका एक कर्मचारीले भने ।

ठेकेदारले कबोल गरिएको परिमाण मात्र होइन, राज्यलाई तिर्ने १३ प्रतिशत भ्याटको रकम समेत चोरी गरेको र सरकारी बिल, छाप किर्ते गरेको नक्कली रसिद बाटै छर्लङ्ग हुन्छ । तर नगरपालिकामा जानकारी गराउदा समेत वेवास्ता हुदा मिलेमतोको आशंका देखिएको छ । कपिलवस्तुको बुद्धभूमीमा मात्र होइन शिवराज नगरपालिका, बाणगंगा नगरपालिकाहरुमा समेत खोलिएका नदिजन्य पर्दाथ निकासी ठेक्काका ठेकेदारले परिमाण र राजस्व छलि गर्न नक्कली बिल प्रयोग सुरु गरिसकेका छन् ।

ठेक्का लगाउने तर नदि दोहनको अवस्था, निकासी परिमाण र ठेक्का अवस्था बारे वास्ता नगर्ने स्थानीय सरकारकै रवैयाका कारण ठेकेदार मोटाउने र सरकारको राजस्व बर्षेनी घट्दै गएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…