यौन अपराधी जेफ्री एपस्टाइनसँग सम्बन्धित ३५ लाखभन्दा बढी नयाँ गोप्य दस्तावेज सार्वजनिक

कुख्यात यौन अपराधी जेफ्री एपस्टाइनसँग सम्बन्धित ३५ लाखभन्दा बढी नयाँ गोप्य दस्तावेज सार्वजनिक भएपछि विश्व राजनीति तरंगित बनेको छ । मंगलबारसार्वजनिक भएका यी फाइलहरूमा रूसी राष्ट्रपति भ्लादिमिर पुटिनको नाम एक हजारभन्दा बढी पटक उल्लेख भएको पाइएपछि अन्तर्राष्ट्रिय जगतमा नयाँ बहस र तनाव सिर्जना भएको छ।

अमेरिकी अदालतको आदेशपछि सार्वजनिक गरिएका यी दस्तावेजले विश्वका शक्तिशाली नेताहरूको लुकेको पाटोलाई उजागर गरिदिएको छ ।यो प्रकरणमा बेलायती प्रधानमन्त्री किर स्टारमरको नाम समेत जोडिएपछि लण्डनमा उनीविरुद्ध चर्को प्रदर्शन शुरु भएको छ र विपक्षीहरूले उनको तत्काल राजीनामा माग गरेका छन् । पुटिन र स्टारमरबाहेक अन्य धेरै देशका पूर्व राष्ट्रप्रमुख तथा उच्च अधिकारीहरू समेत यो अनुसन्धानको घेरामा परेका छन् ।

सन् २०१९ मा जेलमै आत्महत्या गरेका एपस्टाइनले सञ्चालन गरेको अन्तर्राष्ट्रिय यौन तस्करी संजालमा विश्वका हाई–प्रोफाइल व्यक्तिहरूको संलग्नता रहेको आशंका वर्षौंदेखि गरिँदै आएको थियो । यो नयाँ खुलासाले विशेष गरी पश्चिमी मुलुक र रूसबीचको कूटनीतिक सम्बन्धमा थप जटिलता ल्याउने र कयौँ देशका आन्तरिक राजनीतिमा फेरबदल ल्याउन सक्ने प्रक्षेपण गरिएको छ । थाहा खबर

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…