
विजयनगर, १३ जेष्ठ ।
कपिलवस्तुको विजयनगर गाउँपालिकामा राष्ट्रिय स्वतन्त्र पार्टी (रास्वपा) को प्रथम ऐतिहासिक गाउँपालिका अधिवेशन सम्पन्न भएको छ । बुधबार सम्पन्न अधिवेशनबाट लाेक बहादुर (लोकेश) थापाको सभापतित्वमा ९ सदस्य गाउँपालिका समिति गठन गरिएको हो ।
समितिको उप-सभापतिमा जुनेद खान, सचिवमा कमल थापा र सह-सचिवमा सिमा अर्याल चयन भएका छन् । अन्य सदस्यहरू समेत चयन गर्दै नयाँ कार्यसमिति गठन गरिएको जनाइएको छ ।
अधिवेशनलाई सम्बोधन गर्दै केन्द्रीय सल्लाहकार बिष्णुहरि शर्माले संगठनलाई जनताको भरोसाको केन्द्रका रूपमा अघि बढाउनुपर्ने बताए । उनले पार्टीलाई सशक्त रुपमा लाग्न कार्यकर्तालाई आग्रह समेत गरे ।
त्यस्तै जिल्ला सभापति शिव कुमार सुबेदीले गाउँस्तरसम्म पार्टीको संगठन विस्तार गर्दै जनताका मुद्दामा सक्रिय भएर काम गर्नुपर्नेमा जोड दिए ।
कार्यक्रममा पार्टीका नेता तथा कार्यकर्ताको उल्लेख्य सहभागिता रहेको थियो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया