जंक फुडको जोखिम रोक्न विजयनगरका विद्यालयमा अन्तरक्रिया

घनश्याम भर

(विजयनगर) कपिलवस्तु, २८ जेष्ठ ।

कपिलवस्तुको विजयनगर गाउँपालिकाका ५ ओटा सामुदायिक विद्यालयमा पत्रु खाना (जङ्क फुड) नियमन तथा नियन्त्रण अभियान अन्तर्गत विद्यालय स्तरीय अन्तरक्रिया कार्यक्रम सम्पन्न भएको छ ।

स्वास्थ्य कार्यालय कपिलवस्तुको आयोजनामा दूधाधारी नमुना माध्यमिक विद्यालय गुगौली, भुवनेश्वरी माध्यमिक विद्यालय जगदीशपुर, हरिबोध माध्यमिक विद्यालय प्रेमनगर, जनजागृति माध्यमिक विद्यालय लोहरौला तथा शिव माध्यमिक विद्यालय डालपुरमा पत्रु खाना नियमन तथा नियन्त्रणका लागि अन्तरक्रिया कार्यक्रम सञ्चालन गरिएको हो ।

कार्यक्रममा शिक्षक तथा विद्यालय व्यवस्थापन समितिका प्रतिनिधि लगायतलाई पत्रु खानाको असरबारे जानकारी गराइएको थियो । साथै विद्यालयभित्र पत्रु खानाको प्रयोग नियन्त्रण गर्ने, विद्यालय दिवा खाजा कार्यक्रमलाई प्रवर्द्धन गर्ने तथा स्वस्थकर खानाका विकल्पहरू अपनाउन प्रोत्साहन गर्ने विषयमा छलफल गरिएकाे छ ।

स्वास्थ्य चौकी गणेशपुरका प्रमुख तथा जनस्वास्थ्य निरीक्षक गौतम रायका अनुसार अन्तरक्रियामार्फत विद्यार्थीहरूमा स्वस्थ खानपानको बानी विकास गर्ने, विद्यालय परिसरलाई पत्रु खानामुक्त बनाउने तथा पत्रु खाना निषेधित सामुदायिक तथा संस्थागत विद्यालय अनुगमन समिति गठन गर्ने उद्देश्य रहेको छ ।

उनले पत्रु खानाको बढ्दो प्रयोगले बालबालिकाको स्वास्थ्यमा नकारात्मक असर पार्ने भएकाले विद्यालय तहबाटै सचेतना र नियन्त्रण अभियानलाई प्रभावकारी रूपमा अगाडी बढाउन आवश्यक रहेको बताए ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…