विजयनगरमा स्काउट तालिम तथा गोष्ठी सुरु

घनश्याम भर

(विजयनगर) कपिलवस्तु, २ असार ।

कपिलवस्तुको विजयनगर गाउँपालिकामा ३ दिने स्काउट तालिम तथा गोष्ठी सुरु भएको छ । स्थानीय स्काउट विजयनगर गाउँपालिकाको आयोजनामा तथा विजयनगर गाउँपालिकाको सहयोगमा तालिम तथा गोष्ठी सञ्चालन गरिएको हो ।

युवाहरूमा नेतृत्व विकास, अनुशासन, सामाजिक उत्तरदायित्व तथा स्वयंसेवा भावनाको अभिवृद्धि गर्ने उद्देश्यले तालिम आयोजना गरिएको विजयनगर स्काउट प्रमुख आयुक्त बिष्णु थापाले जानकारी दिए । तालिममा गाउँपालिकाभित्रका विभिन्न विद्यालयका  शिक्षक तथा स्काउटकर्मीहरूको सहभागिता रहेको छ ।

कार्यक्रममा सहभागीहरूलाई स्काउटका सिद्धान्त, उद्देश्य, टोली व्यवस्थापन, विपद् व्यवस्थापन, सामुदायिक सेवा तथा नेतृत्व विकाससम्बन्धी विषयमा प्रशिक्षण प्रदान गरिनेछ । तीन दिनसम्म सञ्चालन हुने तालिमले विद्यार्थी तथा युवाहरूको व्यक्तित्व विकासमा सकारात्मक योगदान पुग्ने विश्वास गरिएको छ ।

आयोजकका अनुसार तालिमबाट सिकेका ज्ञान र सीपलाई व्यवहारमा उतार्दै समाजसेवा तथा राष्ट्र निर्माणमा युवाहरूलाई सक्रिय भूमिका निर्वाह गर्न प्रेरित गरिनेछ । गाउँपालिकाले यस्ता कार्यक्रममार्फत युवाहरूको क्षमता अभिवृद्धि र नेतृत्व विकासमा निरन्तर सहयोग गर्ने जनाएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…