हनुमान पाण्डे
कपिलवस्तु,
साउन १४ ।
कपिलवस्तु नगरपालिका–७, धमौली निवासी ३० वर्षीय चन्द्रमती यादवको उपचारका क्रममा मृत्यु भएपछि परिवारले कपिलवस्तु अस्पताल तौलिहवाको लापरवाहीका कारण घटना भएको आरोप लगाउँदै न्यायको माग गरेको छ।
पीडित परिवारका अनुसार चन्द्रमती यादवलाई सुत्केरी गराउन साउन ४ गते कपिलवस्तु अस्पतालमा भर्ना गरिएको थियो। साउन ७ गते शल्यक्रिया (अप्रेसन) मार्फत सुत्केरी गराइएको र त्यसपछि स्वास्थ्य अवस्था जटिल बनेपछि साउन ८ गते भैरहवास्थित मेडिकल कलेजमा रेफर गरिएको परिवारको भनाइ छ।
परिवारका अनुसार भैरहवा मेडिकल कलेजमा उपचारकै क्रममा साउन १२ गते साँझ ५:३० बजे चन्द्रमती यादवको मृत्यु भएको हो। कपिलवस्तु अस्पतालले शल्यक्रियाका क्रममा लापरवाही गरेको कारण मृत्यु भएको भन्दै परिवारले निष्पक्ष छानबिन र दोषीमाथि कारबाहीको माग गरेको छ।
मृतकको शव हाल जिल्ला प्रशासन कार्यालय कपिलवस्तु अगाडि राखी पीडित परिवार तथा स्थानीयले न्यायको माग गर्दै प्रदर्शन गरिरहेका छन्।
यता जिल्ला प्रहरी कार्यालय कपिलवस्तुले पीडित परिवारका सदस्य तथा अन्य सरोकारवालासँग प्रमुख जिल्ला अधिकारीको कार्यकक्षमा वार्ता भइरहेको जनाएको छ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया