काठमाडौं । ‘इनफ इज इनफ’का अभियन्ताहरुले नेपाल प्रहरीको विरोध गर्दै विहीबार महेन्द्र पुलिस क्लव प्रर्दशनीमार्ग अगाडी शान्तिपुर्ण रुपमा धर्ना दिएका छन् ।
‘सूचनाको हक’को निवेदन दर्ता गर्न हिजो गृह मन्त्रालय प्रवेश गर्न खोज्दा पाँच जना अभियन्ता पक्राउ परेपछि आक्रोशित उनीहरुले आज धर्ना दिएका हुन् । उनीहरुले नेपाल प्रहरीलाई नेकपा प्रहरीको जस्तो व्यवहार गरेको भन्दै आक्रोश पोखेका छन् ।
अभियन्ताहरुले आफुहरुले सरकारको ध्यानाकर्षण गराउँदै आएको १२ बुँदे सहमतिलगायतका नारासहित विरोध जनाएका हुन् । उनीहरुले सरकार जघन्य शासनतर्फ उन्मुख रहेको, अधिकांश मिडियाकर्मी र न्यायपालिकाहरु नै खरिद र बिक्रीमा रहेको आरोप लगाउँदै यस्तो परम्पराको अन्त्य हुनुपर्नेमा जोड दिएका छन् ।
प्रदर्शनकारीहरुले केही समयअघि देखि नै पीसीआर परीक्षणको दायरा बढाउनुपर्ने, भ्रष्टाचारको अन्त्य हुुनुपर्नेभन्दै देशैभरि विभिन्न स्थानमा अनसन, विरोध गर्दै आएका छन् ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया