प्रदेश सरकारबाट विनियोजित सञ्चार बजेटको भ्रमपूर्ण समाचार प्रति बुद्ध दर्पणको ध्यानाकर्षण

कपिलवस्तु । चालु आर्थिक बर्ष २०७८/०७९ को बजेट मार्फत प्रदेश सरकारबाट विनियोजित बजेट प्रति लक्षित गर्दै केही सञ्चार माध्यमबाट भ्रमपूर्ण रुपमा प्रकाशित समाचार प्रति बुद्ध दर्पण राष्ट्रिय दैनिकले गम्भीर ध्यानाकृष्ट भएको जनाएको छ । पत्रिकाको भवन निर्माणका निम्ति विनियोजित बजेट प्रदेश सभा सदस्यको विशेष पहलमा विनियोजन भएको स्पष्ट पार्दै एक विज्ञप्ति जारी गरी उक्त समाचार भ्रमपुर्ण भएको उल्लेख गरिएको छ । 

विज्ञप्तिमा मोफसलको पत्रकारिताको विकासमा निरन्तर क्रियाशील बुद्ध दर्पण राष्ट्रिय दैनिक पत्रिकाको सञ्चार गृह निर्माणका लागि आ.व. २०७८।०७९ को बजेट मार्फत प्रदेश सरकारबाट विनियोजित बजेट प्रति लक्षित गर्दै केही सञ्चार माध्यमबाट भ्रमपूर्ण रुपमा प्रकाशित समाचार प्रति हाम्रो गम्भीर ध्यानाकृष्ट भएको छ ।

बुद्ध दर्पण राष्ट्रिय दैनिक पत्रिकाको भवन निर्माणका निम्ति विनियोजित बजेट प्रदेश सभा सदस्यज्यूको विशेष पहलमा विनियोजन भएको स्पष्ट पार्दछौं भनिएको छ । त्यस्तै बजेट विनियोजनमा पत्रकार महासंघ लुम्बिनी प्रदेशको कुनै भूमिका नरहेको स्पष्ट पार्दै पत्रकार महासंघका प्रदेश अध्यक्ष बसन्त गिरी बुद्ध दर्पण राष्ट्रिय दैनिक पत्रिकामा श्रमजीवी पत्रकार सम्बन्धि ऐन २०५१ संशोधन सहित को दफा ३ क बमोजिम कर्मचारीको भूमिकामा प्रधान सम्पादक रहनु भएको जानकारी गराइएको छ ।

मोफसलका पत्र पत्रिकाको संस्थागत विकासका निम्ति बजेट बिनियोजन हुनु विषय आफैमा सुखद् विषय हो । तर विडम्बना आफुलाई जिम्मेवार सञ्चार माध्यम ठान्नेहरु नै मोफसलका सञ्चार गृहको संस्थागत विकास प्रति अनुदार तथा सङ्कीर्ण देखिनु निकै दुःखद् विषय रहेको समेत उल्लेख छ । पत्र पत्रिकाको संस्थागत विकासमा माननीयले खेलेको भूमिका प्रति धन्यवाद ज्ञापन गर्दै मोफसलका पत्र पत्रिकाको संस्थागत विकास प्रति प्रदेश सरकारको भूमिका निरन्तर सकारात्मक रहने विश्वास व्यक्त गर्दछौं भनी पत्रीकाका प्रबन्ध निर्देशक लक्ष्मण बेल्बासेको हस्ताक्षरमा उक्त विज्ञप्ति जारी गरिएको छ । साथै भवन वनाउन विनियोजन भएको वजेट भन्दा डवल वजेट र २ फरक शिर्षक उल्लेख गर्नू आफैमा झूट पत्रकारी हो भन्दै सवैलाई  स्पष्ट पारीएको छ। 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…