कपिलवस्तुको शिवराज नगरपालिकामा खेल महोत्सवको तयारी पुरा भएको छ । भोली पुस १ गते १२ बजे राष्ट्रिय मावि खेल मैदानमा उद्धघाटन हुने नगरपालिकाले जनाएको छ ।
खेल महोत्सवमा विद्यालय स्तरीय राष्ट्रपति रनिङ्ग शिल्ड प्रतियोगिता, मेयर कप र उप मेयर कप शीर्षकमा विभिन्न खेलकुद प्रतिस्पर्धा हुने शिक्षा तथा खेलकुद शाखा प्रमुख लोकराज पन्थीले बताउनुभयो । राष्ट्रपति रनिङ्ग शिल्ड तर्फ ५ विधामा अन्तर्गत भलिबल,एथलेटिक्स,कराते,उसु कपर्दी खेल प्रतियोगिता हुने पन्थीले बताउनुभयो । त्यस्तै मेयर कप तर्फ फुटबल,क्रिकेट र भलिबल उपमेयर कप तर्फ फुटबल,भलिबल र कराते प्रतियोगिता हुने जनाइएको छ ।
खेलमा १५ सय बढी विद्यार्थी खेलाडी सहभागी हुने शिवराज नगर खेलकुद विकास समितिका संयोजक नेत्र बेल्वासेले बताउनुभयो । विगतका वर्षमा क्लब स्तरीय प्रतियोगिता हुने गरेको र यस वर्ष भने वडा स्तरीय प्रतियोगिता गराई त्यस वाट उत्कृष्ट समूह तयार गर्ने नगरको योजना रहेको बेल्वासेले बताउनुभयो । ९ दिन सम्म चल्ने उक्त महोत्सवलाई सफल र व्यवस्थित बनाउन सबै नगरवासी सरोकारवालाहरूले सहयोग गर्न बेल्वासेले आग्रह गर्नुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया