बैतडी – बैतडीको मेलौलीमा आज साेमवार दिउँसो बस दुर्घटना हुँदा एक जनाकाे ज्यान गएकाे छ । दुर्घटनामा परेर ४१ जना घाइते भएका छन् ।
पञ्चेश्वरबाट महेन्द्रनगर जाँदै गरेको लु २ ख २०११ नम्बरको पवनदूत यातायातको बस दिउँसो १ बजे मेलौली नगरपालिका–७ स्वाखानीमा दुर्घटना भएकाे हो । ज्यान गुमाउनेमा बैतडीकाे पञ्चेश्वर गाउँपालिका–६ रन्तोलीका २७ वर्षीय उमेश भण्डारी रहेका बैतडीका प्रहरी निरीक्षक योगेश खत्रीले जानकारी दिनुभयो । भण्डारीको केशरपुर प्राथमिक स्वास्थ्य केन्द्र मेलौलीमा ज्यान गएको हो ।
दुर्घटनामा घाइते भएका ४१ जना सबैकाे मेलौलीमा उपचार हुन नसकेपछि थप उपचारका लागि डडेल्धुरा अस्पताल रेफर गरिएको छ । रेफर गरिएकामध्ये २६ जनाको अवस्था गम्भीर रहेको प्रवक्ता खत्रीले बताउनुभयो ।
ओरालो सडकमा अनियन्त्रित भएर बस दुर्घटनामा भएकाे हाे । बस सडकबाट तल खसेर रुखमा अड्किएको जिल्ला प्रहरी कार्यालय बैतडीले जनाएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया