काठमाडौं । राष्ट्रिय जनगणना २०७८ मा त्रुटि फेला परेको छ। जनगणनाका दौरान ७ लाख ७१ हजार ९९८ जना व्यक्तिको गणना नै छुटेको फेला परेको हो। राष्ट्रिय जनगणनाको प्रभावकारिता पत्ता लगाउन गरिने‘गणना जाँच सर्वेक्षण (पीईएस)ले यस्तो फेला पारेको हो ।
यसअघि जनगणनाको नतिजाले नेपालको जनसंख्या २ करोड ९१ लाख ६४ हजार ५७८ जना देखाएको थियो।यससँगै नेपालको वास्तविक जनसंख्या २ करोड ९९ लाख ३६ हजार ५७६ जना पुगेको छ ।
तर नेपालको जनसंख्याको आधिकारिक तथ्यांकहरुमा भने यसअघि सार्वजनिक भएको २ करोड ९१ लाख ६४ हजार ५७८ नै प्रयोग हुने भएको छ। यो जनगणनामा कुल २ दशमलव ७३ प्रतिशत त्रुटि देखिएको छ ।
जसमध्ये छुटपुट २.५८ प्रतिशत छ र दोहोरो गणना ०.१५ प्रतिशत रहेको सर्वेक्षणले देखाएको छ । २०७८ सालभन्दा अगाडि आफैंले जनगणनाको जाँच सर्वेक्षण गर्दै आएकोमा सैद्धान्तिक अवधारणा र संयुक्त राष्ट्रसंघको सुझाव अनुसार अहिले यस्तो सर्वेक्षण स्वतन्त्र तथा दक्षता प्राप्त निकायबाट गराउन थालिएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया