कपिलवस्तुको चन्द्रौटामा निःशुल्क दन्त शिविर सम्पन्न भएको छ । रोट्रयाक्ट क्लब अफ चन्द्रौटाको आयोजनामा शनिवार भएको शिविरबाट १ सय ५० जनाले सेवा लिएका छन् । बिहान ९ बजे देखि सुरु भएको शिविरमा ओ.पी.डी सेवा,दन्त परीक्षण तथा परामर्श, सामान्य दाँत निकाल्ने सेवा, अस्थायी सिमेन्ट भर्ने, निःशुल्क औषधी वितरण सेवा भएको हो ।
लुम्बिनी प्रदेशका सांसद अर्जुन कुमार केसीले शिविर कार्यक्रमलाई सम्बोधन गर्दै यस क्षेत्रमै पहिले पटक नौलो कामको सुरुवात गरेको प्रशंसा गरे । समय सापेक्ष कार्यक्रम सञ्चालन गरेको जनाउँदै आम नागरिकले प्रत्यक्ष सेवाको अनुभूति गरेको उनले बताए । स्थानीयको समस्यालाई मध्यनजर गर्दै आगामी समयमा समेत यस्ता कार्यक्रम आवश्यक रहेको उनको भनाई छ । दाँत संवेदनशील अंग भएको हुँदा कतिपय बिरामीहरू उपचार नपाएकोले शिविर आयोजना गरिएको रोट्रयाक्ट क्लब अफ चन्द्रौटाकी अध्यक्ष माया बस्नेतले जानकारी दिइन ।
चन्द्रौटामा रहेको निदान डेन्टल क्लिनिकको प्राविधिक सहयोग तथा इन्सेप्सन एजुकेशनल फाउण्डेशनको आर्थिक सहयोगमा शिविरमा दन्त सम्बन्धित बिरामीले दाँत चेक जाँच गराएको ् । आफ्नो कार्यकालको पहिलो कार्यक्रम रहेको बताउँदै आगामी दिनमा अझै उत्कृष्ट कार्यक्रम ल्याउने समेत उनले जिकिर गरिन् । बिरामीलाई जुनसुकै उपचार गर्दा २० प्रतिशत छुटमा निदान डेन्टल क्लिनिकले उपचार गर्ने व्यवस्था रहेको सञ्चालक धुब्र कुमार मिश्रले बताए । रोट्रयाक्ट क्लब अफ कपिलवस्तुको आयोजना, रोटरी क्लब अफ कपिलवस्तुको सह आयोजनामा निःशुल्क दन्त शिविर सञ्चालन गरिएको आयोजकले जनाएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया