इङ्ल्याण्डसँगको एक दिवसीय क्रिकेटमा दक्षिण अफ्रिकाको लज्जाजनक हार

काठमाडौं : दक्षिण अफ्रिकाले एक दिवसीय क्रिकेटमा इतिहासकै लज्जाजनक हार व्यहोरेको छ।

इङ्ल्याण्ड भ्रमणमा रहेको दक्षिण अफ्रिकाले तीन खेलको सिरिजमा २–१ को जित निकाले पनि अन्तिम खेलमा ३ सय ४२ रनको लज्जाजनक हार व्यहोर्‍यो।

सिरिजको अन्तिम खेलमा साउथ ह्याम्टनमा टस हारेर पहिले ब्याटिङमा आएको घरेलु टोली इङ्ल्याण्डले पूरै ५० ओभरमा ५ विकेट गुमाएर ४ सय १४ रन जोडेको थियो। जसमा जाकोब बेथेल र जोए रुटले सतकीय पारी खेले भने जामी स्मीथ र जोस बट्लरले अर्धसतकीय पारी खेले।

दक्षिण अफ्रिकाका कोर्बिन बोस्च र केशव महाराजले २–२ विकेट लिए। ४ सय १५ रनको लक्ष्यसहित जवाफी ब्याटिङमा आएको दक्षिण अफ्रिका २० दशमलब ५ ओभरमा अलआउट भयो। उसका ८ जना ब्याटरले दोहोरो अंकमा रन बनाउन सकेनन् भने कार्बिन बोस्चले बनाएको २० रन नै सर्वाधिक रह्यो।

इङ्ल्याण्डका जोफ्रा आर्चरले ४, अदिल रसिदले ३ तथा ब्राडन कार्सले २ विकेट लिए। योसँगै दक्षिण अफ्रिकाले ५२ वर्षको इतिहासमा सबैभन्दा ठूलो हार व्यहोर्दा इङ्ल्याण्डको सबैभन्दा ठूलो जित हासिल गर्‍यो​ थाहा खबर

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…