विजयनगरमा वित्तीय साक्षरता तथा सुरक्षित आप्रवासन सम्बन्धी अभिमुखीकरण

घनश्याम भर

(विजयनगर) कपिलवस्तु, असार ३ ।

कपिलवस्तुको विजयनगर गाउँपालिकाको आयोजनामा स्थानीय तहमा आन्तरिक रोजगारी प्रवर्द्धन अभियान अन्तर्गत वित्तीय साक्षरता तथा सुरक्षित आप्रवासन सम्बन्धी एक दिने अभिमुखीकरण कार्यक्रम सम्पन्न भएको छ ।

७ वडाकाे सम्पुर्ण वडा सदस्यहरू,वैदेशिक रोजगारमा जान चाहेका व्यक्तिहरू,वैदेशिक राेजगार बाट फर्किएका व्यक्तिहरू र वैदेशिक राेजगारमा गएका घरपरिवारका सदस्य गरि जम्मा ९५ जनाकाे उपस्थिति रहेको थियो ।

कार्यक्रममा स्थानीय नागरिक, युवा तथा वैदेशिक रोजगारीमा जान इच्छुक व्यक्तिहरूको सहभागिता रहेको थियो । कार्यक्रममा वैदेशिक रोजगारीका अवसर, सुरक्षित आप्रवासनका प्रक्रिया, वित्तीय व्यवस्थापन तथा बचत सम्बन्धी विषयमा जानकारी प्रदान गरिएको छ ।

सहभागीहरूलाई वैदेशिक रोजगारीमा जाँदा अपनाउनुपर्ने कानुनी प्रक्रिया, सम्भावित जोखिमबाट बच्ने उपाय तथा कमाएको आम्दानीलाई सही ढंगले व्यवस्थापन गर्ने विषयमा प्रशिक्षण दिइएको राेजगार सेवा केन्द्रका प्रमुख श्याम पुनले जानकारी दिए ।

गाउँपालिकाले स्थानीयस्तरमै रोजगारी सिर्जना तथा नागरिकलाई सचेत बनाउने उद्देश्यले यस्ता कार्यक्रम सञ्चालन गरिएको जनाएको छ । कार्यक्रमले सहभागीहरूमा वित्तीय अनुशासन र सुरक्षित आप्रवासन सम्बन्धी ज्ञान अभिवृद्धि गर्न सहयोग पुगेको विश्वास गरिएको छ ।

कार्यक्रम वडा नं. ७ का वडा अध्यक्ष दिनेश कुमार चौधरीको अध्यक्षतामा सम्पन्न कार्यक्रममा सुरक्षित आप्रवासन सम्बन्धी विषयमा जिल्ला संयोजक तथा प्रशिक्षक सुभाष रेग्मी र वित्तीय साक्षरता सम्बन्धी बबिता गौतमले प्रशिक्षण दिएका थिए । कार्यक्रमको सहजीकरण रोजगार सेवा केन्द्रका रोजगार संयोजक श्याम पुनले गरेका थिए ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…