कानुन व्यवसायीहरूले आज पनि सर्वोच्चअगाडि प्रदर्शन गर्ने

काठमाडौं : प्रधानन्यायाधीश चोलेन्द्र शमसेर जबराको राजीनामा माग्दै आन्दोलन सुरु गरेका कानुन व्यवसायीहरूले आज पनि कालोपट्टि बाँधेर सर्वोच्च अदालतअगाडि प्रदर्शन गर्ने भएका छन्।

नेपाल बार एशोसिएसनको नेतृत्वमा आइतबारदेखि प्रधानन्यायाधीशविरुद्ध आन्दोलन सुरु गरिएको हो। पाँच दिनभित्र राजीनामाको अल्टिमेटम दिएर सुरु भएको आन्दोलनमा आइतबारदेखि कात्तिक १७ गतेसम्म प्रत्येक दिन बिहान १० बजेदेखि ११ बजेसम्म सर्वोच्च अदालतमा कालोपट्टि बाँधेर विरोध गर्ने कार्यक्रम छ।

यस्तै‚ मंगलबार सर्वोच्च अदालत प्रांगणमा विरोधसभा आयोजना गर्ने बारले जनाएको छ। प्रधानन्यायाधीश राणाले सरकारमा भागवण्डा खोजेको विषय बाहिरिएपछि बारले उनको राजीनामा माग गर्दै आन्दोलन सुरु गरेको हो। प्रधानन्यायाधीश प्रकरणमा सर्वोच्च अदालतका न्यायाधीशहरूले इजलास बहिस्कार गर्दै आएका छन्।

प्रधानन्यायाधीश जबराले आफूले सम्मानजनक बहिर्गमन चाहेको सन्देश बाहिरिएपछि आइतबार न्यायाधीहरूले उनीसँग वार्ताका लागि तीन सदस्यी टोली बनाएको छ। साथै‚ न्यायाधीहरूहरू छलफलमा जुट्ने र बन्दी प्रत्यक्षीकरणका रिटमा सुनुवाई गर्ने बारे छलफल गर्ने तयारीमा छन्।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…