ghanashyam 
दाङ : दाङमा सोमबार भएका छुट्टाछुट्टै दुर्घटनामा दुई जनाको ज्यान गएको छ। एक जनाको कोइलाखानीमा च्यापिएर तथा अर्का एकको स्कुल बसको ठक्करबाट मृत्यु भएको हो।
प्रहरीका अनुसार कोइलाखानीमा च्यापिएर मृत्यु हुनेमा घोराही उपमहानगरपालिका–१९ का ४६ वर्षीय भक्तबहादुर घर्ती छन्। घोराही उपमहानगरपालिका–१ दाङ्जामा भन्ने स्थानमा रहेको पशुपति कोइलाखानी उद्योगको सुरुङभित्र सोमबार मध्यान्ह १२ बजेतिर घर्ती च्यापिएर घाइते भएका थिए।
घाइते घर्तीको उपचारको क्रममा दिउँसो करिब सवा ३ बजेतिर राप्ती स्वास्थ्य विज्ञान प्रतिष्ठान घोराहीमा मृत्यु भएको जिल्ला प्रहरी कार्यालय दाङका प्रवक्ता एवं डिएसपी मुकुन्दप्रसाद रिजालले जानकारी दिए।
त्यस्तै स्कुल बसको ठक्करबाट एक बालकको मृत्यु भएको छ। मृत्यु हुनेमा घोराही उपमहानगरपालिका–६ अगेराका रोहित पाण्डेका दुई वर्षीय छोरा आहाना पाण्डेको मृत्यु भएको प्रहरीले जनाएको छ।
प्रहरीका अनुसार सोमबार बिहान करिब साढे १० बजेतिर जन्द्रागाउँदेखि विद्यार्थी लिएर अगेरातर्फ आउँदै गरेको बबई स्टार लिटिल बोडिङ स्कुलको ना ३ खा ९९९३ नम्बरको बसले ठक्कर दिँदा बालक गम्भीर घाइते भएका थिए।
उनलाई उपचारको लागि राप्ती स्वास्थ्य विज्ञान प्रतिष्ठान घोराहीमा लगिएकोमा चिकित्सकले मृत घोषणा गरेको प्रहरीले जनाएको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया