देशका विभिन्न भागमा नौजना मृत अवस्थामा फेला

काठमाडौं : देशमा विभिन्न क्षेत्रमा मृत अवस्थामा नौजना फेला परेका छन्। मृत अवस्थामा फेला पर्नेमा काठमाडौंको शंखरापुर नगरपालिका-४ लप्सीफेदीस्थित शालीनदीमा कागेश्वरी मनोहरा नगरपालिका-१ बस्ने ५२ वर्षीय राजकुमार दाहाल छन्।

यस्तै इलामको इलाम नगरपालिका-४ पुवाखोला बजार बस्ने ३४ वर्षीय बिरु भन्ने हर्कबहादुर लिम्बु सोही ठाउँस्थित पानीको नालामा शनिबार मृत अवस्थामा फेला परेका छन्। झापाको भद्रपुर नगरपालिका-२ बस्ने २८ वर्षीय कमलसिंह तामाङ सोही नगरपालिका-१ सातलाखे बाँधस्थित खेतमा शनिबार मृत अवस्थामा फेला परेका छन्।

यस्तै बाराको कोल्हबी नगरपालिका-७ मौहासपुरस्थित गेरकाही खोलामा सोही ठाउँ बस्ने ४० वर्षीय बहुदली मुखिया शुक्रबार मृत अवस्थामा फेला परेका छन्। त्यसैगरी धनकुटाको धनकुटा नगरपालिका-१ शान्ति टोल बस्ने ३३ वर्षीया कल्पना राई आफ्नै घरमा शुक्रबार मृत अवस्थामा फेला परेकी छिन्।

यस्तै सुनसरीको इटहरी उपमहानगरपालिका-९ स्थित महमत फर्निचर पसलमा रंग लगाउने काम गर्ने मोरङ कटहरी गाउँपालिका-१ बस्ने ५५ वर्षीय निर्मल राय सोही पसलमा शुक्रबार मृत अवस्थामा फेला परेका छन्। त्यसैगरी पर्साको ठोरी गाउँपालिका-३ सिक्कारी बाँस बस्ने ६४ वर्षीय भगन महतो सोही ठाउँस्थित खोलामा शुक्रबार मृत अवस्थामा फेला परेका छन्।

यस्तै मोरङको जहदा गाउँपालिका-१ लंकाटोल बस्ने ७० वर्षीया गोलियादेवी बैठा सोही गाउँपालिका लंकाटोलको दशगजास्थित पारिपट्टी पोखरीमा शुक्रबार मृत अवस्थामा फेला परेकी छिन्।

त्यसैगरी नवलपरासी (पश्चिम) को रामग्राम नगरपालिका-१२ कुनुवार बस्ने टिमल हरिजनको गोठमा भारत महाराजगञ्ज थाना निचलौल टिकुलहिया बस्ने ५५ वर्षीय इलताफ अली शनिबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…