एमसीसी संसदमा दर्ता भएपछि मात्रै एमालेले आफ्नाे धारणा स्पष्ट पार्छ : सचिव अर्याल

काठमाण्डाै – प्रमुख प्रतिपक्ष दल नेकपा (एमाले) की सचिव पद्मा अर्यालले मिलेनियम च्यालेन्ज कर्पाेरेशन (एमसीसी) संसदमा दर्ता भएकाे अवस्थामा मात्रै आफ्नाे पार्टीले धारणा स्पष्ट पार्ने बताउनुभएकाे छ । आज सोमवार पार्टीकाे केन्द्रीय कार्यालय टिमको बैठकपछि सञ्चारकर्मीसँग कुरा गर्दै उहाँले यस्ताे बताउनुभएकाे छ । 

एमसीसीको विषयमा सरकारले छलफल अगाडि बढाउन खोजेको भए पनि संसदमा दर्ता हुने/नहुने यकिन नभएको बताउँदै सचिव अर्यालले भन्नुभयाे, ‘एमसीसीको सन्दर्भमा सरकारले अहिले छलफल अगाडि बढाउन खोजिरहेको छ, त्यो एमसीसी संसदमा दर्ता हुन्छ कि हुँदैन भन्ने कुनै यकिन छैन । त्यसैले त्यो विषयमा अहिले छलफल गरिरहन हामीले उपयुक्त ठानेका छैनौँ । जतिबेला त्यहाँ दर्ता हुन्छ त्यो बेला एमालेले आफ्नो पोजिशन क्लियर गर्नेछ ।’

पार्टी महासचिव शङ्कर पोखरेलको अध्यक्षतामा बसेको केन्द्रीय कार्यालय टिमको बैठकले पार्टीको जिल्ला अधिवेशन र भर्खरै सम्पन्न भएको राष्ट्रिय सभा चुनावकाे सम्बन्धमा समीक्षा गरेको सचिव अर्यालले जानकारी दिनुभयो । 

यस्तै उहाँले स्थानीय तहको चुनाव मिति छिटो भन्दा छिटो घोषणा गर्न सरकारलाई दबाब दिनुभयाे ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…