सत्ता गठबन्धनको उम्मेदवार चयन प्रक्रियामा अलमल

काठमाडौं : स्थानीय तह निर्वाचनमा तालमेल गर्ने निर्णय गरेका सत्तारुढ दलहरु उम्मेदवार चयन प्रक्रियामा अलमलमा परेका छन्। उम्मेदवार चयनको मोडालिटी तय गर्न नसक्दा दलहरु उम्मेदवार चयन प्रक्रियामा अलमलमा परेका हुन्। मतदानका लागि एक महिनाको समय मात्र बाँकी रहँदा नेतृत्वको अलमलले चुनाव प्रचारप्रसारको काम समेत रोकिएको छ। 

गठबन्धनमा आबद्ध दलहरुले निर्वाचनको तयारीका लागि भन्दै गठन गरेको निर्वाचन तयारी तथा अनुगमन समिति निरन्तर छलफलमा समेत जुट्न सकेको छैन। नेपाली कांग्रेसका वरिष्ठ नेता रामचन्द्र पौडेलको नेतृत्वमा गठित समितिका सदस्य एवम् नेकपा माओवादी केन्द्रका नेता देव गुरुङले समितिले आवश्यकताका आधारमा छलफल गर्ने बताए। समितिले यसअघि हिजो शनिबारसम्ममा सबै प्रदेश, जिल्ला र स्थानीय तहलाई स्थानीयस्तरमा दलको अवस्थाको रिपोर्ट दिन समय दिएको थियो। तर सबै जिल्लाबाट रिपोर्ट प्राप्त भइसकेको छैन। 

स्थानीय तहमा तालमेलका लागि अधिकांश जिल्लामा गठबन्धनका समन्वय समितिहरु गठन भए पनि ती समितिले साझा उम्मेदवार सिफारिस गर्न सकेका छैनन्।

सबैजसो महानगरपालिका, उपमहानगर तथा चर्चामा रहेका नगरपालिकामा गठबन्धनका सबै दलको दाबीका कारण समन्वय समितिहरुले प्रभावकारी रुपमा काम गर्न नसकेका हुन्। यसअघि एकल रुपमा चुनाव प्रचार थालिसकेका दलहरूसमेत तालमेलको निर्णयपछि सुस्ताएका छन्।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…