ghanashyam 
एजेन्सी । टी-२० विश्वकप क्रिकेटमा आयोजक अष्ट्रेलियाले अफगानिस्तानलाई ४ रनले पराजित गरेको छ। एडिलेडमा आज भएको निकै रोमाञ्चक र आफ्ना लागि ‘गर या मर‘ जस्तै रहेको प्रतिस्पर्धामा घरेलु टोली अष्ट्रेलियाले अफगानिस्तानलाई पराजित गरेको हो।
पहिले ब्याटिङ गर्दै अष्ट्रेलियाले दिएको १ सय ६९ रनको लक्ष्य पछ्याएको अफगानिस्तानले २० ओभरमा ७ विकेटको क्षतिमा १ सय ६४ रन मात्र बनाउन सक्यो र ४ रनले पराजित हुन पुग्यो। अफगानिस्तान भने यो खेलअघि नै प्रतियोगिताबाट बाहिरिइसकेको छ।
अफगानिस्तानका लागि ७ खेलाडी आउट भएपछि क्रिजमा आएका राशिद खानले अविजित रहँदै ४८ रन बनाए। २३ बलको सामना गरेका उनले आफ्नो इनिङमा ३ चौका र ४ छक्का प्रहार गरे।
गुलबदिन नाइबले ३९ रन जोड्दा रहमानुल्लाह गुरबाजले ३० रन जोडे। इब्राहिम जाडरानले २६ र डार्विस रसुलले १५ रन बनाए।
अष्ट्रेलियाका जोश हाजलउड र एडम जाम्पाले २/२ विकेट लिए।
पहिले ब्याटिङ गरेको घरेलु टोली अष्ट्रेलियाले २० ओभरमा ८ विकेटको क्षतिमा १ सय ६८ रन बनाएको थियो।
अष्ट्रेलियाका लागि ग्लेन म्याक्सवेलले अविजित रहेर ५४ रन बनाए। उनको अर्धशतकीय इनिङसँगै मिचेल मार्शले ४५ रन हिर्काए। अलराउन्डर मार्क्स स्टोइनिस र डेभिड वार्नरले २५/२५ रन बनाएका थिए।
अफगानिस्तानका लागि नभिन उल-हकले ३ विकेट र फजलहक फारुकीले २ विकेट लिए।
घरेलु टोलीले यो खेल निकै ठूलो अन्तरले जित्नुपर्ने थियो। जितबाट अंक जोडे पनि कंगारुको सेमिफाइनलमा पुग्ने सम्भावना भने शनिबार (भोलि) हुने बेलायत र श्रीलंकाबीचको खेलमा समेत निर्भर हुनेछ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया