पहिलो मैत्रीपूर्ण खेलमा स्पेनी क्लब कासेरेन्योको जित

पोखरा : स्पेनको दोस्रो डिभिजन क्लब कासेरेन्यो सिपीले आफ्नो पहिलो मैत्रीपूर्ण खेलमा गण्डकी-११ लाई सहज रुपमा पराजित गरेको छ। पोखरा रंगशालामा बुधबार भएको खेलमा कासेरेन्योले गण्डकीमाथि ३-० को सहज जित निकाल्यो।

शुरुवातबाटै गण्डकीविरुद्ध हावी भएको कासेरेन्योका लागि कार्मेलो मोरा, मिगुएल एन्जल कारिलेरो गोन्जालेज र बेर्मुले १/१ गोल गरेका थिए। खेलको २३ औं मिनेटमा कार्मेलोको गोलबाट शुरुवाती अग्रता बनाएको थियो।

पहिलो हाफमा नै अग्रता दोब्बर पार्ने क्रममा उसले ३० औं मिनेटमा मिगुएलको गोलसँगै खेलमा २-० को अग्रता बनाएको थियो। दोस्रो हाफमा उसले थप १ गोल गरेको थियो। उसका लागि ९० औं मिनेटमा बेर्मुले गोल गर्दै कासेरेन्योलाई ३-० को जित दिलाए। नेपालमा २ मैत्रीपूर्ण खेलका लागि स्पेनको दोस्रो डिभिजन टोली नेपाल आएको हो। 

अब कासेरेन्योले बिहीबार दशरथ रंगशालामा काठमाडौं-११ सँग मैत्रीपूर्ण खेल खेल्नेछ। स्पेनस्थित नेपाली दूतावास, अखिल नेपाल फुटबल संघ, काठमाडौं जिल्ला फुटबल संघ र कास्की जिल्ला फुटबल संघको सहकार्यमा लुम्बिनी गार्डेन फाउन्डेशनले कासेरेन्योको नेपाल भ्रमण आयोजना गरेको हो।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…