भुटनिज् युथ स्पोर्टसले जित्यो बागमती गोल्डकप

फापरबारी : पाँचौं संस्करणको बागमती गोल्डकप फुटबलको उपाधि भुटनिज् युथ स्पोर्टस अमेरिकाले जितेको छ।

मकवानपुरको फापरबारीमा मंगलबार भएको फाइनल खेलमा संकटा क्लबलाई पेनाल्टी सुटआउटमा ८–७ गोल अन्तरले पराजित गर्दै भुटनिज् युथले उपाधि उचालेको हो।

जितसँगै भुटनिज्‌ले आहा रारा गोल्डकपमा संकटासँग भोगेको हारको बदलासमेत लिएको छ। निर्धारित समयमा दुवै टोली २–२ गोलको बराबरीमा रोकिएपछि खेल पेनाल्टी सुटआउटमा धकेलिएको थियो।

दुवै टोलीका ७/७ जनाले गोल गरिसकेको अवस्थामा आठौं नम्बरमा पेनाल्टी प्रहार गर्न आएका संकटाका सुरज ज्यु ठकूरीको प्रहार भुटनिजका गोलरक्षक पूजन थापा मगरले रोकेपछि संकटालाई थप दबाब भएको थियो।

भुटनिज युथका लागि अन्तिम पेनाल्टी प्रहार गर्न आएका भुटनिजका कप्तानसमेत रहेका पूजन थापा मगरले उत्कृष्ट गोल गर्दै भुटनिज् युथलाई ८–७ को स्पष्ट जित दिलाए। जितसँगै भुटनिज् युथले नगद ८ लाख रूपैयाँ पाएको छ। उपविजेता बनेको संकटाले ४ लाख रूपैयाँमा चित्त बुझाएको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…