ghanashyam 
एजेन्सी
पेरिस ओलम्पिक २०२४ को स्वर्ण पदक तालिकामा अमेरिका र चीनबीच तीव्र प्रतिस्पर्धा छ। पदक तालिकाको शीर्ष स्थानमा रहेको अमेरिकाले ३३ स्वर्ण जित्दा दोस्रो स्थानको चीनले पनि स्वर्ण पदकको संख्या समान ३३ पुर्याएकोछ।
अमेरिका ३९–३९ वटा रजत र कास्य पदक जितेर कुल १११ पदकसहित शीर्ष स्थानमा छ। समान स्वर्ण पदक जितेको चीनले २७ रजत र २३ कास्य पदक जितेको छ। १८ स्वर्णसहित अस्ट्रेलिया तेस्रो, १६ स्वर्णसहित जापान चौथो र १४ स्वर्णसहित बेलायत पाँचौ स्थानमा रहँदा समान १४ स्वर्ण जितेको आयोजक फ्रान्स छैटौँ स्थानमा छ।
जारी ओलम्पिकमा अहिलेसम्म कुल ६० देशले स्वर्ण पदक जित्दा कुनै न कुनै पदक जित्ने देशको संख्या ८६ पुगेको छ। यसैबीच अल्जेरियाकी बक्सर इमान खलिफले स्वर्णपदक जितेकी छिन्।
एक वर्षअघि विश्व बक्सिङ च्याम्पियनसिपमा लैंगिक मापदण्ड परीक्षणमा अयोग्य भएकी खलीफले योपटक पेरिस ओलम्पिकमा ६६ किलोग्राम समूहमा स्वर्ण पदक जितेकी हुन्। उनले चीनकी बक्सर याङ लियुलाई पराजित गरिन्।
पेरिस ओलम्पिकको समूह चरणमा इटलीकी बक्सर एन्जेला करिनीसँग भएको प्रतिस्पर्धापछि खलीफलाई पुरुष भन्दै विश्वव्यापीरूपमा आलोचना र विवाद भएको थियो। तर ओलम्पिक कमिटीले थप कुनै पनि निर्णय नगरी उनलाई महिलाकै रुपमा नियमित खेल्न दिएको थियो।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया