आईसीसी लिग–२ : ओमानले दियो १५६ रनको लक्ष्य‚ नेदरल्याण्ड्स ब्याटिङ गर्दै

काठमाडौँ : आईसीसी विश्वकप लिग–२ अन्तर्गत अहिले ओमान र नेदरल्याण्ड्सबीच प्रतिस्पर्धा भइरहेको छ।

ओमानको अल-अमिरात क्रिकेट मैदानमा भइरहेको खेलमा घरेलु टोली ओमानले पहिला ब्याटिङ गर्दै नेदरल्याण्ड्स सामु १५६ रनको लक्ष्य तेर्स्याएको छ।

नेदरल्याण्ड्सले टस जितेर फिल्डिङ गर्ने निर्णय गरेपछि ब्याटिङ थालेको ओमानले ४४ ओभर २ बलमा सबै विकेट गुमाउँदै १५५ रनमात्र बनाउन सक्यो। उसका लागि ओपनिङ गरेका कप्तान जितेन्दर सिंहले ५९ रन बनाए।

अर्का ओपनर आशिष ओदेदाराले ४१ रन‚ जय ओदेद्राले २० रन र मुजाहिर रजाले १० बनाउनुबाहेक ओमानका अन्य ब्याट्सम्यानले दोहोरो अंकमा स्कोर गर्न सकेनन्।

ओमानका करन सोनावले शून्य रनमा आउट भए भने आमिर कलिम र हमाद मिर्जा दुवैले २/२ रन बनाएर आउट भए। मोहम्मद नदीमले १ रन बनाए भने सिद्धार्थ बक्कापाटनमले ३ रन बनाए। सकिल अहमद २ रन बनाएर र समय श्रीवास्तव ३ रन बनाएर आउट भए।

नेदरल्याण्ड्सका लागि कोलिन एकरम्यानले ४ विकेट लिए भने रोलेफ भान डेर मर्वले ३ विकेट र काइल क्लेनले २ विकेट लिए।

अहिले नेदरल्याण्ड्सले जवाफी ब्याटिङ गरिरहेको छ। उसले ५ ओभरको खेल सकिँदा कुनै विकेट नगुमाइ २० रन बनाएर खेलिरहेको छ।

लिग–२ मा ११ खेल खेलेको नेदरल्याण्ड्स ७ जित र ४ हारसहित अंकतालिकाको तेस्रो स्थानमा छ भने ११ खेल खेलिसकेको ओमान ५ खेलमा जित र ४ मा हार बेहोर्दै अंकतालिकाको पाँचौँ स्थानमा छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…