चिकित्सा शिक्षा आयोगको बैठक बस्दै

काठमाडौं : चिकित्सा शिक्षा आयोगको १९औँ बैठक आज बस्दैछ।

आयोगका अध्यक्ष समेत रहेका प्रधानमन्त्री केपी शर्मा ओलीको अध्यक्षतामा बैठक विहान ११ बजे सिंहदरबारमा बोलाइएको प्रधानमन्त्री ओलीको सचिवालयले जनाएको छ।

चिकित्सा शिक्षा तर्फ पोष्ट ग्राजुएट्स (पीजी) तहका विद्यार्थीहरुलाई निजी मेडिकल कलेजले सरकारी सरह निर्वाह भत्ता नदिएको भन्दै आन्दोलन चर्काएका बेला बस्न लागेको यो बैठकलाई विशेष महत्वका साथ हेरिएको छ। भत्ता नपाएको भन्दै देशभरका अस्पतालमा आकस्मिक बाहेकका सेवा ठप्प छन्।

नेपाल चिकित्सक संघ तथा विद्यार्थी पक्षले निजीमा पीजी अध्ययन् गर्ने विद्यार्थीलाई सरकारी सरह ४८ हजार ७३७ रुपेयाँ निर्वाह भत्ता दिने गरी भएको १८ औँ बैठकको निर्णय तत्काल कार्यान्वयन हुनु पर्ने बताउँदै आएका छन्।

निजी मेडिकल तथा डेन्टल कलेज सञ्चालकहरु स्रोत सुनिश्चित भएपछि मात्रै सरकारी सरह भत्ता दिन सकिने अडान लिँदै आएका छन्।

यसअघि ३ बैशाखमा बसेको १८ औँ बैठकले १० दिन भित्र निजी मेडिकल कलेजका लागि दिईदै आएको एमबीबीएस र बीडीएसको सिट संख्या तथा शूल्क संरचना पुनरावलोकन गर्न शिक्षा सचिव डा दीपक काफ्लेको संयोजकत्वमा ११ सदस्यीय कार्यदल समेत गठन गरेको थियो। सो कार्यदलले आज नै रिपोर्ट बुझाउने तयारी गरेको छ।

कार्यदलमा स्वास्थ्य तथा जनसंख्या मन्त्रालयका सचिव डा विकास देवकोटा, त्रिभुवन विश्वविद्यालय, चिकित्सा शिक्षा शास्त्र संकायका डीन डा मोहन शर्मा, काठमाडौँ विश्वविद्यालय, चिकित्सा शास्त्र संकायका डीन डा मनोज हुमागाईँ, विज्ञहरु डा भगवान कोइराला, डा रमेशकान्त अधिकारी, डा दिव्यासिंह शाह, डा मंगल रावलल तथा नेपाल मेडिकल कलेजका अध्यक्ष डा अनिल कार्की र एसोसिएसन अफ प्राइभेट मेडिकल तथा डेन्टल कलेजका अध्यक्ष डा ज्ञानेन्द्र कार्की सदस्य रहेका छन्।

थाहा खबर

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…