ghanashyam 
काठमाडौं ः यो सिजन उत्कृष्ट प्रदर्शन गरेका लमिन यामलले स्पेनिस क्लब बार्सीलोनासँग ६ वर्षको नयाँ सम्झौता गरेका छन्।
१७ वर्षीय यामल सम्झौता नवीकरण गरेसंँगै अब सन २०३१ सम्म बार्सीलोनामा रहने पक्का भएको हो।
हालको सम्झौता २०२५/२६ सम्मका लागि थियो। यामलले २०२३ मा १५ वर्षको उमेरमा बार्सीलोनाबाट डेब्यू गरेका थिए।
यो सिजन उनले ५५ खेल खेल्दै १८ गोल र २५ एसिस्ट गरेका थिए। यामलको उत्कृष्ट प्रदर्शनको मदतमा बार्सीलोनाले ला लिगा, कोपा डेल रे र स्पेनिस सुपर कप उपाधी जित्यो।
बार्सीलोनाले क्लबका अध्यक्ष योहान लोपोर्टा र निर्देशक डेकोको उपस्थितीमा यामलले सम्झौतामा हस्ताक्षर गरेको जानकारी दिएको हो।
स्थानिय संचारमाध्यमका अनुसार प्रदर्शनसँग जोडिएका केही सिमा पुरा गरे यामल क्लबको सर्वाधिक महंगा खेलाडी बन्न सक्नेछन्।
क्लबका लागि १ सय १५ खेल खेलेका यामलले २५ गोल गरिसकेका छन्। कोपा डेल रे , ला लिगा र स्पेनिस सुपर कपको इतिहासमा गोल गर्ने उनी सबैभन्दा कान्छा खेलाडी हुन्।
आगामी जुलाइमा १८ वर्ष पुग्ने उनी बार्सीलोनाका लागि एक सय खेल पूरा गर्ने पनि सबैभन्दा कम उमेरका खेलाडी हुन्।
यामलले स्पेनका लागि १९ क्याप जितेका छन। सन २०२४ मा इङल्यान्डलाई २–१ गोलले पराजित गर्दै युरोकप जित्दा उनी टिमको महत्वपुर्ण सदस्य थिए। थाहा खबर
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया