डोल्पा
प्रहरीले एक बालिका बलात्कार गर्न खोजेको विरोधमा स्थानिय आन्दोलनमा उत्रिएका छन् । त्रिपुरासुन्दरी नगरपालिका–२ स्थित वडा कार्यालयको सुरक्षामा खटिएका एक प्रहरी हवल्दारले १२ वर्षीया बालिकालाई जबरजस्ती गर्ने प्रयास गरेको भन्दै स्थानिय आन्दोलनमा उत्रिएका हुन् । प्रहरी चौकी त्रिपुराकोटमा कार्यरत ३९ वर्षीय प्रहरी हवल्दार दानबहादुर जिसिले १२ वर्षीया बालिकालाई जवरजस्ती गर्ने प्रयास गरेको स्थानियको भनाई छ ।
त्रिपुरासुन्दरी नगरपालिका २ की कक्षा ७ मा अध्यायनरत १२ वर्षीया बालिकालाई असोज १ गते राती ८ बजेतिर मदिरा सेवन गरेर जवरजस्ती गर्ने प्रयास गरेको स्थानियले जनाएका छन् । पीडितका आफन्तले प्रहरी हवल्दारलाई कारवाहीको माग गर्दै प्रहरी चौकी त्रिपुराकोटमा निवेदन दिएका छन् । पीडितले निवेदन दिएलगत्तै बलात्कार प्रयासका आरोपित प्रहरी हवल्दार जिसिलाई असोज १ गते रातीनै जिल्ला प्रहरी कार्यालय दुनैमा पठाइको छ ।
त्रिपुराकोटका प्रहरी नायव निरिक्षक टेकबहादुर देउवाले उनलाई जिल्ला पठाइएको जानकारी दिएका छन् । आरोपितलाई रातारात जिल्ला पठाइएको भन्दै रुम गाउँका स्थानीयले बिहिबार प्रहरी चौकी घेराउ गर्दै ढुङ्गामुढासमेत गरेका थिए । दुई तीन सयको हाराहारीमा आएका स्थानीयले चौकी घेराउ गर्दै नाराजुलुस गरेपछि स्थिति तनावग्रस्त बनेको थियो । जिल्ला प्रहरी कार्यालय डोल्पाका प्रमुख नाराययण रन्जितकारले आरोपीलाई पक्राउ गरी जिल्ला पुर्याएको प्रतिकृया दिएका छन् । कारवाही प्रकृया समेत अघि बढाइएको प्रहरीको भनाई छ ।
श्रोत स्मार्ट खबर
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया