हराएका पूर्व मेयर मृत फेला

कृष्णनगर, २४ साउन ।

अस्ति शुक्रबार दिउँसोदेखि हराइरहेका कपिलवस्तु नगरपालिकाका पूर्व मेयर किरण सिंहको शव फेला परेको छ । तिलौराकोट साझेदारी वनबाट शंकास्पद रुपमा हराएका सिंह आज मृत अवस्थामा भेटिएका हुन् ।

सुरक्षा निकायले अस्तिदेखि तीव्र खोजी जारी राखेको र आज बिहानै जंगलको दक्षिणी क्षेत्रमा शव भेटिएको जिल्ला प्रहरी कार्यालय कपिलवस्तुले जनाएको छ । घटना शंकास्पद रहेको र अनुसन्धानको क्रम शुरु भएको बताउँदै प्रहरीले थप खुलाउन चाहेन । 

शुक्रबार दिउँसो ३ बजेबाट बेपत्ता सिंहले आफु जंगलमा हराएको र आफ्नो ज्यान खतरामा रहेको भन्दै केही व्यक्ति र गोरुसिंगे प्रहरीलाई मोबाइलबाट सम्पर्क गरेका थिए । जंगलमा सर्च गर्दा प्रहरीले तौलिहवा–गोरुसिंगे सडकदेखि करिब २ किमी पूर्वमा जंगल बीचमा उनको मोटरसाइकल फेला पारेको थियो । लगत्तै प्रहरी तथा शशस्त्र प्रहरीको टोली, ड्रोन तथा तालिम प्राप्त कुकुर सहित सयौं युवाहरु उनको खोजीमा लागेका थिए । 

आज बिहानैदेखि जंगल सर्च गर्ने क्रममा हिजो मोटरसाइकल फेला परेको स्थानदेखि करिब १ किमी टाढा सिंहको शव फेला परेको हो ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…