काठमाडौं । नेपाली राष्ट्रिय फुटबल टोलीको प्रशिक्षण भदौ १ बाट गर्ने तयारी थालिएको छ । विश्वभर फैलिएको कोरोना महामारीका कारण स्थगित राष्ट्रिय फुटबल टोलीको प्रशिक्षण भदौ १ देखि फेरि सुरु गर्ने तयारी अखिल नेपाल फुटबल संघ (एन्फा)ले गरेको हो ।
सरकारले २०७६ चैत ११ देखि लकडाउन लागु गरेसँगै फुटबल टोलीको प्रशिक्षण पनि प्रभावित भएको थियो । सरकारले चार महिनापछि बुधबार लकडाउन खुल्ला गरेपछि अब खेलकुदको लागि प्रशिक्षण गर्ने बाटो खुलेको हो ।
नेपालले विश्वकप छनोटअन्तर्गत अक्टोबर(नोभेम्बरमा घरेलु मैदानमा खेल्दैछ । त्यसैका लागि एन्फाले लकडाउन जारी रहेकै बेला जुलाई पहिलो सातादेखि प्रशिक्षण सुरु गर्न पहल गरेको थियो । तर युवा तथा खेलकुद मन्त्रालय हुँदै सीसीएमसीसम्म उक्त एजेन्डा पुगे पनि पास हुन सकेको थिएन । अब सरकारले लकडाउन खुल्ला गर्दै भदौ १ गतेदेखि अन्तर्राष्ट्रिय प्रशिक्षक र प्रारम्भिक चरणका खेलहरु सुरु गर्न सकिने निर्णय गरेपछि एन्फा पनि फुटबल टिमको प्रशिक्षण सुरु गर्ने तयारीमा लागेको हो ।
एन्फा प्रवक्ता किरण राईका अनुसार प्रशिक्षणका निम्ती एन्फाले विभिन्न चरणमा काम गरिरहेको छ । लकडाउन खुलेपछि खेलाडीहरु पनि प्रशिक्षण गर्न पाइने खबरले खुशी र उत्साहित छन् । खेलाडीहरुलाई यहि १७ गतेसम्म काठमाडौं बोलाइएको र उनीहरुलाई होटलमा राखेपछि पीसीआरको परीक्षण गरेर क्याम्प राखिने र १ गतेदेखि प्रशिक्षण सुरु गर्ने तयारी रहेको अध्यक्ष राईले बताए । खेलाडीहरुलाई दुई साता जति होटलमा राखिने भएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया