“दृष्टि पहिलो प्राथमिकता” भन्ने मुलनाराका साथ विश्व दृष्टि दिवस फलफुल वितरण गरि मनाईएको छ । नेपाल नेत्र ज्योति संघ आखा स्वास्थ्य कार्यक्रम राप्ती तथा बहादुरगंज छन्द(कालेबाबु) नारायणी आखा अस्पताल बहादुरगंजले आखा चेकजाच गराउना अउने बिरामीहरुलाई फलफुल वितरण गरि विश्व दृष्टि दिवस मनाएको छ । नसरुल्ला खानको अध्यक्षतामा एक कार्यक्रम गरि बिरामीहरुलाई फलफुल वितरण गरिएको थियो भने कार्यक्रमको संचालन नेत्र सहायक रजनीस श्रीवास्तवले गरेका थिए । कार्यक्रममा सहभागी ३० जना विरामीहरुलाई फलफुल वितरण गरिएको कार्यालय सहयोगी चिन्ता मणीले जनाएका छन ।
विश्व दृष्टि दिवस किन मनाईन्छ
यो दिवस हरेक बर्ष अक्टोबर महिनाको दोस्रो बिहिवारको दिन पर्ने गर्छ । अन्धोपन र दृष्टि कमजोरको बारेमा विश्वको ध्यानार्षकण गराउनाको लागि यो दिवस मनाउने गरिन्छ । विश्वमा लगभग साढे सात अरब जनसंख्यामा विश्वब्यापी रुपमा नै अनुमानित १.३ बिलियन मानिसहरुमा कुनै न कुनै किसिमको दृष्टिमा कमजोरी रहेको तथ्यांकले देखाएको छ । टाढा हेर्ने दृष्टिको कुरा गर्ने हो भने करिब १८८.५ मिलियन मानिसहरुमा माइल्ड भिजन इम्पेयरमेन्ट, २१७ मिलियन मानिसहरुमा मोडरेट खालको भिजन इम्पेयरमेन्ट र करिब ३६ मिलियन मानिसहरु दृष्टिविहिन रहेको तथ्यांकले देखाइको छ । त्यसतै नजिक हेर्ने दृष्टिको कुरा गर्ने हो भने विश्वभरिमा करिब ८२६ मिलियन मानिसहरुमा Near Vision Impairment रहेको छ । बिश्वव्यापी रुपमा दृष्टि कमजोरीको मुख्य कारण Uncorrected refractive error र मोतियाबिन्दु रहेको छ । ८० प्रतिशत दृष्टि कमजोरी हटाउन सक्ने देखिएको छ भने ५० बर्ष भन्दा बढि मानिसहरुमा दृष्टि कमजोर रहेको पाइएको छ । रोगहरुको अन्तर्राष्ट्रिय बर्गिकरण ११ का अनुसार दृष्टि कमजोरलाई मुख्य गरि २ भागमा बाडिएको छ , टाढा र नजिकको दृष्टि कमजोरी । टाढाको दृष्टि कमजोरीलाई पनि ४ भागमा बाडिएको छ । जसअनुसार ६÷१२ भन्दा खराब दृष्टि क्षमता छ भने त्यसलाई माइल्ड, ६÷१८ भन्दा पनि खराब छ भने त्यसलाई मोडरेट, ६÷६० भन्दा पनि कम दृष्टि क्षमता छ भने त्यसलाई सिभियर र ६÷६० भन्दा पनि झन खराब दृष्टि क्षमता छ भने त्यसलाई दृष्टिविहीनमा बर्गिकरण गरिएको छ ।
प्रतिक्रिया