Trending
समाज निःशुल्क शिक्षा ऐन कार्यान्वयनको खाका छिट्टै आउँछ : शिक्षामन्त्री भट्टराई अन्तर्राष्ट्रिय इजरायली प्रधानमन्त्रीको दबाब बढाउने वाचापछि गाजामा घातक हमला आर्थिक उद्योगी व्यवसायीलाई पनि सरकारी वरीयताक्रममा राख्नुपर्छ : चन्द्र ढकाल राजनीति वरिष्ठ अधिवक्ता बडाल महान्यायाधिवक्तामा नियुक्त अन्तर्राष्ट्रिय अफगानिस्तानमा वर्षा र असिनाले ३५ जनाको मृत्यु, २३० घाइते समाज देशभरका विभिन्न सवारी दुर्घटनामा पाँच जनाको मृत्यु राजनीति ललितपुर महानगरले उठायो लक्ष्यभन्दा बढी राजस्व राजनीति सिमलताल घटना : कार्यदलले काम थाल्यो समाज मोहर्रम पर्व मनाउँदै मुस्लिम समुदाय समाज वायुसेवा निगमले तिर्‍यो ४३ कराेड ९ लाख ऋण

भारतबाट उद्धार गरिएका चार बालबालिकालाई परिवारसँग पुनर्मिलन

कपिलवस्तु

भारतबाट चार बालबालिकालाई नेपाल फर्काइ अभिभावकको जिम्मा लगाइएको छ । शान्ति पुनस्र्थापना गृह (पीआरसी) कृष्णनगर कपिलवस्तुले ती बालबालिकालाई नेपाल फर्काएको हो । बिचौलियाको प्रलोभनमा परी विभिन्न समयमा भारतको विभिन्न शहरमा पुगेका बालबालिकाहरुलाई पीआरसी संयोजक भूमिराज भट्टराई भारत पुगी नेपाल फिर्ता गराएका हुन् ।

भारतको लखनऊ बालगृहबाट १ र गोरखपुर बालगृहबाट ३ बालबालिकालाई पीआरसी संयोजक भट्टराईले जिम्मामा लिई नेपाल फर्काएका थिए । लुम्बिनी सांस्कृतिक नगरपालिका १२ का १२ वर्षीय विनय (नाम परिवर्तन) लाई उद्धारपछि अभिभावकको जिम्मा लगाएको पीआरसी संयोजक भट्टराईले बताए । लुम्बिनी सांस्कृतिक नगरपालिकामा व्यवसाय गर्दै आएका एक पञ्जाबीले बिनयलाई राम्रो काम लगाइदिने प्रलोभनमा पारी पञ्जाब पु¥याएको थियो ।

बालक भागेर रेलवे स्टेशनमा पुगी रेल चढे । तर रेलले बालकलाई लखनऊ पु¥यायो । रेलवे स्टेशनमा अलपत्र परेका बालकलाई रेलवे प्रहरीले उद्धार गरी बालगृहको जिम्मा लगाएको थियो । नेपाली दूतावासको पत्रानुसार भट्टराईले अभिभावक सहित लखनऊ पुगी बालकलाई जिम्मामा लिई अभिभावकलाई बुझाएको बताएका छन् ।

सात महिना अघि पर्सा जिल्ला विन्दबासिनी गाउँपालिका ३, की बिनिता (नाम परिवर्तन) लाई एक विचौलियाले फकाई फुलाई गोरखपुर पु¥यायो । रेलवे स्टेशनमा झरेका उनीहरुलाई देख्दा प्रहरीलाई शंका लागेर सोधपुछ गर्दा विचौलिया भागेपछि प्रहरीले बालिकालाई बालगृहमा लगी छाडेको हो ।

यस्तै पर्साको जगन्नाथ गाउँपालिका १, निवासी वर्ष ११ का अक्रम (नाम परिवर्तन) भारतको एक मदरसामा अध्ययन गर्न दैनिक एक्लै जाने आउने गर्दथे । एक दिन एकजनालाई मुम्बईमा काम लगाई दिने प्रलोभन देखाई स्कूल गएका बालकलाई भारत पु¥यायो । स्टेशनमा झरेको बेला प्रहरीलाई देखेर विचौलिया फरार भएपछि बालकलाई प्रहरीले गोरखपुरस्थित बालगृहको जिम्मा लगाएको थियो ।

यसैगरी कोटहीमाई ७, रुपन्देहीकी १७ वर्षीय सबनम (नाम परिवर्तन) लाई चिनजान भएका छिमेकी गाउँका केटाले फकाई फुलाई एक दिन अन्तै लगेको राख्यो । कोही कसैलाई केही नभन्नु भनेर डरधम्की देखाई आफैले घर छोडिदिन्छु भनेर मोटरलाईकलमा राखेर केटाले सबनमलाई भारत छिरायो । रेलमा चढाएर आफू फरार भएपछि एक स्टेशनमा अलपत्र परेकी सबनमलाई भारतीय प्रहरीले उद्धार गरी गोरखपुर बालगृहमा छाडेको हो ।

यसरी भारतको गोरखपुरस्थित बालगृहको संरक्षणमा रहेका बालबालिकाहरुलाई नेपाली दुताबासको पत्रानुसार पीआरसी संयोजक अभिभावकलाई समेत लिई भारतको गोरखपुर पुगी जिम्मामा लिई नेपाल फर्काएका थिए ।

गोरखपुरबाट उद्धार गरिएका ३ बालबालिकाहरुलाई पीआरसी संयोजक भट्टराईले जिल्ला प्रहरी कार्यालय रुपन्देहीमा बुझाई परिवारको जिम्मा लगाएको थियो । यसअघि पीआरसीले सोही बालगृहबाट ५ बालबालिकालाई उद्धार गरी नेपाल फर्काइ परिवारसँग पुनर्मिलन गराएको पीआरसी संयोजक भट्टराईले बताएका छन् । बालबालिकालाई भारत छिराउने दुई जना विचौलिया विरुद्ध प्रहरीमा उजूरी समेत परेको बताइएको छ ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP